09:50, 07 - جەلتوقسان 2014 | GMT +5
ايگىلى بوكسشى اكە اتاندى- فوتو
استانا. قازاقپارات - ەسىمى كەڭىنەن تانىمال بىلعارى قولعاپ شەبەرى ۆلاديمير كليچكو مەن ونىڭ قالىڭدىعى، تانىمال امەريكاندىق اكتريسا حايدەن پانەتتەري اتا- انا اتاندى.
ۋكرايندىق باسىلىمداردىڭ اقپاراتىنشا، ءسابي 4 - جەلتوقسان كۇنى كەشكە ا ق ش- تاعى كلينيكالاردىڭ بىرىندە دۇنيەگە كەلگەن. ونىڭ ۇل نە قىز بالا ەكەنى ازىرگە ايتىلماي وتىر، الايدا، وسىعان دەيىن حايدەن پانەتتەري وزدەرىنىڭ قىزدى بولاتىندارىن جەتكىزگەن ەدى.
بۇل جۇلدىزدى جۇپ وزدەرىنىڭ اتاستىرىلعانى تۋرالى 2013 - جىلى جاريا ەتكەن بولاتىن. الايدا ولاردىڭ تويلارىنىڭ بولاتىن كۇنى ءالى ناقتىلانباعان. قالىڭدىقتىڭ ايتۋىنشا، «بۇعان ۋكرايناداعى جاعدايلار سەبەپ» بولىپ وتىر.
