شۇعىل: قازاقستاننىڭ بارلىق ايماقتارىندا اياز كۇشەيەتىنى ەسكەرتىلدى

استانا. قازاقپارات - قازاقستاننىڭ بارلىق وڭىرلەرىندە دەرلىك كۇن سۋىتىپ، اياز كۇشەيەدى، دەپ حابارلادى ق ر ءى ءى م توتەنشە جاعدايلار كوميتەتى.

7-8 - جەلتوقسان كۇندەرى استانادا تۇندە اياز 30 گرادۋسقا دەيىن سۋىتادى.

7 - جەلتوقساندا قوستاناي، سولتۇستىك قازاقستان، اقمولا، پاۆلودار وبلىستارىندا قار جاۋىپ، بۇرقاسىن سوعادى، وڭتۇستىك- باتىستان سوققان جەل سولتۇستىك- باتىسقا اۋىسىپ، 15-20 م/س- قا دەيىن كۇشەيەدى، ۇيىتقۋى 25 م/س- قا جەتەدى. اۋانىڭ تەمپەراتۋراسى تۇندە 26-31 گرادۋسقا دەيىن، كەي جەرلەردە 34 گرادۋسقا دەيىن سۋىتادى. اقتوبە وبلىسىندا 20-25 گرادۋسقا دەيىن، باتىس قازاقستان، اتىراۋ وبلىستارىندا - 16-21 گرادۋسقا دەيىن، كەي جەرلەردە 24 گرادۋس، ماڭعىستاۋ وبلىسىندا - 10-15 گرادۋسقا دەيىن، كەي جەرلەردە 20 گرادۋسقا دەيىن اياز بولادى.

7 - جەلتوقساندا وڭتۇستىك قازاقستان، جامبىل، الماتى وبلىستارىندا كۇشتى قار جاۋادى، بۇرقاسىن جۇرەدى، وڭتۇستىك- باتىستان سوققان جەلدىڭ ەكپىنى 15-20 م/س- قا دەيىن، ۇيىتقۋى 25 م/س- قا دەيىن كۇشەيەدى. 8 - جەلتوقساندا اۋانىڭ تەمپەراتۋراسى تۇندە 20-25 گرادۋسقا دەيىن، كەي جەرلەردە 30 گرادۋس ايازعا دەيىن تومەندەيدى.

 7 - جەلتوقساندا قاراعاندى، شىعىس قازاقستان وبلىستارىندا قار جاۋىپ، كۇشتى بوران سوعادى، سولتۇستىك- باتىستان كۇشتى جەل تۇرىپ، 15-20 م/س- قا، ۇيىتقۋى 25 م/س- قا دەيىن جەتەدى. 7-9 - جەلتوقسان كۇندەرى اۋانىڭ تەمپەراتۋراسى تۇندە كەي جەرلەردە 30-35 گرادۋسقا دەيىن ايازداتادى.

 7 - جەلتوقساندا  قىزىلوردا وبلىسىندا تۇندە اۋانىڭ تەمپەرتارۋاسى 17-22, كەي جەرلەردە 27 گرادۋسقا دەيىن تومەندەيدى.