رەسەي لانكەستىككە ۇندەگەن ۋكرايندىق دەپۋتاتتاردى جازالاماق
«رەسەيدىڭ تەرگەۋ كوميتەتى باسقارماسى ۋكراين دەپۋتاتتارى جۇرگىزىلگەن زەرتتەۋ ناتيجەسىندە يۋريا بەرەز، اندرەي ليەۆۋس جانە يگور موسيچۋكتاردىڭ «تەررورلىق ارەكەتتەرگە اشىق ۇندەۋ تاراتۋ جانە لانكەستىك ارەكەتتەردى اشىق اقتاۋ» بابى بويىنشا، قىلمىستىق اركەتكە بارعان»، - دەيدى ماركين.
ءبىز بۇعان دەيىن شەشەنستان پرەزيدەنتى رامازان قادىروۆ شەشەنستاندىق كۇش قۇرىلىمدارىنا ەلگە شابۋىل جاساعان تەررورشىلاردى اشىق تۇردە قولداعان ۋكرايندىق ءۇش دەپۋتاتتى قولعا ءتۇسىرىپ، شەشەنستانعا الىپ كەلۋگە تاپسىرما بەرگەنىن جازعان ەدىك.
سوڭعى ۋاقىتتاردا سولتۇستىك كاۆكازدا ءتۇرلى قاقتىعىستار ورىن الا باستادى. سونىڭ ءبىرى وتكەن بەيسەنبى كۇنى شەشەنستاننىڭ استاناسىندا بولدى. ءبىر توپ قاراقشىلار الدىمەن ج پ ق (جول پاترۋلدىك قىزمەتىنە) شابۋىل جاساپ، ارتىنشا باسپا ءۇيى مەن مەكتەپتى باسىپ الدى. بۇلىكشىلەردى جويۋ وپەراتسياسى بىرنەشە ساعاتقا سوزىلدى. سوڭعى مالىمەتتەرگە سۇيەنسەك، 14 پوليتسيا قىزمەتكەرى قازا تاۋىپ، 36 سى جارالانعان. سونداي-اق، 11 لانكەستىڭ كوزى جويىلدى.
