جەلىلەردە قادىروۆتىڭ تەررورشىمەن سويلەسكەنى تۇسىرىلگەن كەسكىن پايدا بولدى
شەشەن تىلىندە وتكەن اڭگىمە بارىسىندا قادىروۆ قارسىلاسىنا قاسيەتتى قۇراندا جازىلعان سويلەمدەردى دۇرىس تۇسىنبەگەندىگىنە كوز جەتكىزۋگە تىرىسقان. شەشەنستان باسشىسى الگى ءدىني فاناتقا «كاپىرلەرمەن» سوعىسقاننان گورى، كەرىسىنشە «جاقىندارعا قامقور بولۋ، جيھاتتىڭ ەڭ ۇلكەنى وسى»، - دەدى.
اڭگىمە بارىسىندا قادىروۆ قارسىلاسىنان قۇرانداعى كەيبىر اياتتاردى ءتۇسىندىرىپ بەرۋگە ءوتىنىش ءبىلدىرىپ، بۇلىكشىلەر ارەكەتى تولىقتاي دۇرىس دەپ تابىلسا، وندا ول قارسى جاقتىڭ بارلىق تالاپتارىن ورىنداۋعا دايىن ەكەنىن جەتكىزگەن.
رامزان قادىروۆ جۇما كۇنى بۇلىكشىلەردىڭ كوزىن جويۋعا باعىتتالعان ارنايى وپەراتسيا كەزىندە ءوزىنىڭ جاقىن تۋىس باۋىرى 22 جاستاعى ۋمار قادىروۆتىڭ قازا تاپقانىن ايتقان بولاتىن. ول سونداي-اق، بۇلىك شىعارىپ، كىسى ولتىرگەن قاراقشىلاردىڭ ەسىمدەرى انىقتالاتىن بولسا، وندا ولاردىڭ وتباسى مۇشەلەرى دە ەل اۋماعىنان قۋىلاتىنىن ايتقان بولاتىن.
ودان بولەك رامزاەن قادىروۆ شەشەنستاندىق كۇش قۇرىلىمدارىنا ەلگە شابۋىل جاساعان تەررورشىلاردى اشىق تۇردە قولداعان ۋكرايندىق ءۇش دەپۋتاتتى قولعا ءتۇسىرىپ، شەشەنستانعا الىپ كەلۋگە تاپسىرما بەرگەن.
tengrinews.kz
