سارا نازاربايەۆا الەۋمەتتىك جەلى ارقىلى وتباسىلىق ەكسكليۋزيۆ سۋرەتتەردى جاريالادى
«كۇلكى - سەنىڭ ومىرلىك ءستيلىڭ»، - دەپ جازادى ول العاشقى سۋرەتتىڭ استىنا.
وسىعان دەيىن سارا الپىس قىزىنىڭ پاراقشاسىندا بار بولعانى سەگىز سۋرەت جاريالانىپتى. سونىڭ بىرنەشەسى - ەكسكليۋزيۆتى سۋرەت.
ونىڭ ءبىرى - وتباسىلىق سۋرەت. بۇل سۋرەتتە نۇرسۇلتان نازاربايەۆتىڭ ءوزى، سارا الپىس قىزى، سونىمەن بىرگە ءۇش قىزى، ياعني داريعا، دينارا، ءاليا جانە نەمەرەلەرى، تيمۋر قۇلىبايەۆ پەن ەلباسىنىڭ بۇرىنعى كۇيەۋ بالاسى راحات اليەۆتىڭ سۋرەتتەرى بار.
تاعى ءبىر ەسكى سۋرەت كورەرمەننىڭ نازارىن ەرىكسىز وزىنە اۋدارادى. «ءبىزدىڭ جاستىق شاق»، - دەپ جازادى اتالمىش سۋرەتتىڭ استىنا سارا نازاربايەۆا.
مىنا سۋرەت تە وتباسىلىق مۇراعاتتا ءجيى كەزدەسە بەرمەيدى.
قازىر سارا نازاربايەۆانىڭ Instagram الەۋمەتتىك جەلىسىندەگى جەكە پاراقشاسىنا 436 قولدانۋشى تىركەلگەن.
سارا نازاربايەۆا 1941-جىلى 12- اقپاندا قاراعاندى وبلىسىنا قاراستى قىزىلجار اۋىلىندا دۇنيەگە كەلگەن. 1962-جىلى نۇرسۇلتان نازاربايەۆقا تۇرمىسقا شىقتى. 1992-جىلى قايىرىمدىلىق جاساۋ ماقساتىندا رەسپۋبليكالىق سابيلەرگە ارنالعان «بوبەك» قورىن قۇردى، سودان بەرى اتالمىش قوردىڭ پرەزيدەنتى.
tengrinews.kz
