11:22, 06 - جەلتوقسان 2014 | GMT +6
الماتىدا كوكتوبە ساياباعىندا جاڭا اسپالى جول اشىلادى
الماتى. قازاقپارات - الماتىدا كوكتوبە ساياباعىندا جاڭا اسپالى جول اشىلادى. مۇنداي كەلىسىمگە الماتى اكىمى احمەتجان ەسىموۆ پەن فرانسيا پرەزيدەنتى فرانسۋا وللاندتىڭ كەزدەسۋى بارىسىندا فرانسيانىڭ «مونتان» كلاستەرىنىڭ باسشىسى بينۋا روبەر مەن قالالىق تۋريزم باسقارماسىنىڭ باسشىسى باقىتجان جولامانوۆ قول قويدى.
جوبانى «نۇربانك» ا ق قارجىلاندىرماق. فرانسيانىڭ «پوما» كومپانياسى SIGMA دەپ اتالاتىن جاڭا كابينا جانە وزگە دە تاۋ يندۋسترياسى جابدىقتارىمەن قامتامسىز ەتپەك.
جاڭا اسپالى جول 2015-جىلدىڭ جازىندا پايدالانۋعا بەرىلەدى.
فرانسيا تارابى الماتىدا تاۋ ءتۋريزمىن دامىتۋعا ىنتالى ەكەندىگىن جەتكىزدى.
«بۇگىن الماتى تاۋلارى فرانسيانىڭ الپىسىمەن قول الىسىپ تۇرعانداي بوپ تۇر. ءبىز وسىندا 10 جىلدان بەرى جۇمىس جاساپ كەلەمىز. فرانسۋز تاۋ شاڭعىسى يندۋسترياسى الماتىدا تاباعان، اقبۇلاق، شىمبۇلاق تاۋلارىنداعى تۋريزمدى دامىتۋعا مۇددەلى»، - دەدى ب. روبەر.
