15:15, 05 - جەلتوقسان 2014 | GMT +5
قازاقستاندا ەكى اتوم ستانساسىنىڭ ورنالاساتىن جەرلەرى انىقتالدى
استانا. قازاقپارات - بۇل تۋرالى بۇگىن استانادا ءوتىپ جاتقان قازاقستان- فرانسيا بيزنەس فورۋمىندا ق ر ەنەرگەتيكا ۆيتسە- ءمينيسترى باقىتجان جاقساليەۆ ءمالىم ەتتى.
"ءبىز ەكى اتوم ەلەكتر ستانساسىن سالۋدى جوسپارلاۋدامىز. ۇلكەن ۇكىمەتتىك كوميسسيا قۇرىلىپ، ولاردىڭ ورنالاسۋىنا ءتيىمدى ءۇش جەردى انىقتاپ بەردى. سولاردىڭ ىشىنەن ەكى جەر تاڭدالىپ الىندى. وسى جىلى اتوم ەلەكتر ستانساسىن سالۋدا قىرۋار تاجىريبەسى بار حالىقارالىق كومپانيالارمەن كەلىسسوزدەر جۇرگىزىلىپ، ولاردىڭ تەحنولوگيالارىن تارتۋ بويىنشا تالقىلاۋلار بولدى. ولاردىڭ مۇمكىن بولار ورىندارى شىعىس قازاقستاندا بۇرىنعى سەمەي پوليگونىندا، كۋرچاتوۆ قالاسىنىڭ ماڭىندا جانە بالقاش كولى ماڭايىندا. قازىر جۇمىستار جالعاسۋدا. تاياۋداعى 2-3 -جىلدا حالىقارالىق ساراپشىلاردى تارتا وتىرىپ، اتوم ستانسالارىنىڭ قۇرىلىسى جايىندا تۇبەگەيلى شەشىم قابىلدايمىز جانە جۇمىس ءارى قاراي اتقارىلادى"، - دەدى ول.
اۆتور: جاسۇلان جولدىبايەۆ
