قازاقستان مەن قىتاي مۇناي سالاسىنداعى ىنتىماقتاستىق ماسەلەلەرىن تالقىلادى
ونىڭ قورىتىندىلارىنىڭ ناتيجەسىندە حاتتاماعا ق ر ەنەرگەتيكا مينيسترلىگىنىڭ ءبىرىنشى ۆيتسە- ءمينيسترى ۇزاقباي قارابالين مەن دامۋ جانە رەفورمالار كوميتەتى ءتوراعاسىنىڭ ورىنباسارى - ق ح ر مەملەكەتتىك ەنەرگەتيكالىق باسقارماسىنىڭ ءتوراعاسى ۋ. سينسيۋن قول قويدى.
«كەلىسسوزدەر بارىسىندا بۇعان دەيىنگى 7- وتىرىستا قابىلدانعان شەشىمدەردى ىسكە اسىرۋ قورىتىندىلارى شىعارىلىپ، بولاشاق ىنتىماقتاستىقتىڭ جوسپارلارى بەلگىلەنگەن. بۇل - مۇناي- گاز كەن ورىندارىن يگەرۋ مەن بارلاۋ، كومىرسۋتەكتەرىن تاسىمالداۋ، سونىڭ ىشىندە باتىس قازاقستاننان قىتايعا باراتىن مۇناي قۇبىرىن كەڭەيتۋ» ، - دەدى تىلشىلەرگە بەرگەن سۇحباتىندا ەنەرگەتيكا سالاسىنداعى ىنتىماقتاستىق بويىنشا قازاقستاندىق- قىتايلىق كىشى كوميتەتتىڭ تەڭ ءتوراعاسى، ق ر ەنەرگەتيكا مينيسترىلىگىنىڭ ءبىرىنشى ۆيتسە- ءمينيسترى ۇزاقباي قارابالين.
ونىڭ ايتۋىنشا، وتىرىستا سونداي- اق اتوم ونەركاسىبىندەگى بىرلەسكەن جوبالاردى دامىتۋ ماسەلەلەرى، سونىڭ ىشىندە ۋران شيكىزاتىن ساتۋ كولەمىن كەڭەيتۋ ماسەلەسى ورتاعا سالىندى.
«جاڭارتىلاتىن ەنەرگيا سالاسىنداعى ىنتىماقتاستىق بويىنشا جۇمىستار دا بەلسەندى جۇرگىزىلۋدە. بۇل ەكسپو-2017 كورمەسىن وتكىزۋ الدىندا ماڭىزدى ماسەلە بولىپ تابىلادى» ، - دەپ اتاپ ءوتتى ول.
«قىتايلىق تاراپ جاڭارتىلاتىن ەنەرگيا كوزدەرى سالاسىندا جاقسى ناتيجەلەرگە قول جەتكىزدى، سوندىقتان بۇل تەحنولوگيالاردىڭ قاراپايىم ترانسفەرتى وسى باعىتتا «مەن سياقتى جاسا» پرينتسيپى بويىنشا قادام جاساۋ تۇرىندە جەتكىلىكتى ءارى ءتيىمدى بولماق» ، - دەپ تۇيىندەدى ۇ. قارابالين.
وتىرىسقا ق ر ەنەرگەتيكا مينيسترلىگىنىڭ، «قازمۇنايگاز» ا ق، «قازاتومونەركاسىپ» ا ق، «ازيا گاز قۇبىرى» ج ش س، ق ر- نىڭ قىتايداعى ەلشىلىگىنىڭ وكىلدەرى قاتىستى.
قىتايلىق تاراپتان س ءى م- ءنىڭ باسشىلىعىنداعى قىزمەتكەرلەر، مەملەكەتتىك ەنەرگەتيكا باسقارماسى، قىتاي دامۋ بانكى، ق ح ر ەكسيمبانكى، CNPC، Sinopec, قىتاي ۇلتتىق يادرولىق بىرلەستىگى (CNNC) ، قىتاي گۋاڭدۋڭ يادرولىق- ەنەرگەتيكالىق بىرلەستىگى (CGNPC) ، «گۋانحۋەي» شىڭجاڭ مۇناي كومپانياسى، «داتان گرۋپپ» ، «چجەنحۋا» وكىلدەرى جانە ت. ب. قاتىستى.
