قازاقستان مەن قىتاي اتوم سالاسىنداعى ىنتىماقتاستىقتى تەرەڭدەتۋ جونىندە مەموراندۋمعا قول قويماق
بۇل تۋرالى «قازاتومونەركاسىپ» ا ق باسقارۋشى ديرەكتورى سەرگەي پولتوراتسكي ق ح ر استاناسىندا وتكەن ەنەرگەتيكا سالاسىنداعى ىنتىماقتاستىق جونىندەگى قازاقستان- قىتاي كىشى كوميتەتىنىڭ 8- وتىرىسى بارىسىندا مالىمدەدى.
«ءبىزدىڭ ەلدەرىمىزدىڭ قۇزىرلى ۆەدومستۆولارى يادرولىق ونەركاسىپ سالاسىنداعى ىنتىماقتاستىقتى تەرەڭدەتۋ جونىندەگى ءوزارا تۇسىنىستىك تۋرالى مەموراندۋم ازىرلەدى. بۇل قۇجات ق ح ر مەملەكەتتىك كەڭەسىنىڭ پرەمەرى لي كەتسياننىڭ وسى جىلعى جەلتوقسان ايىندا وتەتىن قازاقستانعا رەسمي ساپارى بارىسىندا قول قويىلاتىن كەلىسىمدەر تىزىمىنە ەنگىزىلدى. بۇل مەموراندۋم ءبىزدىڭ ەلدەرىمىز اراسىنداعى يادرولىق ەنەرگەتيكا سالاسىنداعى ىنتىماقتاستىقتى ودان ءارى دامىتۋعا جاڭا كوكجيەكتەر اشادى»، - دەدى ول.
س. پولتوراتسيكي «قازاتومونەركاسىپ» ا ق كوپ جىلداردان بەرى قىتايلىق اتوم كومپانيالارىمەن - قىتاي ۇلتتىق يادرولىق كورپوراتسياسىمەن جانە قىتاي گۋاندۋن يادرولىق- ەنەرگەتيكالىق كورپوراتسياسىمەن تابىستى ىنتىماقتاسىپ كەلە جاتقانىن اتاپ ءوتتى. «سەمىزباي-U» بىرلەسكەن قازاقستان- قىتاي كاسىپورنى وتكەن جىلى 100 مىڭ توننادان استام ۋران ءوندىردى. قىتايعا تابيعي ۋران جەتكىزۋدىڭ ۇزاق مەرزىمدى كەلىسىم-شارتتارىمەن ق ح ر-عا وتكەن جىلى 5 مىڭ توننادان استام وسى شيكىزات جەتكىزىلدى.
«بيىلعى جىلى 2014-2016-جىلدارى قىتايعا قازاقستاندىق وتىن تابلەتكالارىن جەتكىزۋگە كەلىسىم-شارتقا قوسىمشا شارت جاسالدى. ءۇلبى زاۋىتىندا وندىرىستىك جەلىنى سەرتيفيكاتتاۋ جۇرگىزىلدى جانە قىتايعا ۋاقىتشا سحەمامەن 10 توننا تابلەتكا جەتكىزۋ ويداعىداي جۇزەگە اسىرىلدى. تاياۋداعى ۋاقىتتاردا قىتايدىڭ مەملەكەتتىك ورگاندارى تولىق اۋقىمداعى كوممەرتسيالىق جەتكىزىلىمدەردى جۇزەگە اسىرۋ ءۇشىن تابلەتكالاردى تاسىمالداۋدى كەلىسۋ ماسەلەلەرىن شەشەتىن بولادى»، - دەپ اتاپ كورسەتتى س. پولتوراتسكي.
