نوبەل ماراپاتىنىڭ يەگەرى تاريحتا العاش رەت ونى ءباسساۋدادا ساتتى
86 جاستاعى ۋوتسون ءوز ناگراداسىن ساتقان نوبەل سىيلىعى لاۋرەاتتارىنىڭ تاريحىندا العاشقى ادام بولدى.
سونىمەن قاتار ۋوتسوننىڭ 1962-جىلعى 10- جەلتوقسانداعى نوبەل كوميتەتىندە سالتاناتتى راسىمدە سويلەگەن ءسوزىنىڭ تەزيستەرى 300 مىڭ دوللارعا، سونداي-اق ونىڭ دارىستەرىنىڭ قولجازبالارى مەن شيماي داپتەرلەرى 200 مىڭ دوللارعا ساتىلدى.
بۇدان بۇرىن عالىم تۇسكەن قاراجاتتى قايىرىمدىلىق شارالارىنا جۇمسايتىنىن ايتقان بولاتىن. «مەن Cold Spring Harbor زەرتحاناسىنا، چيكاگو ۋنيۆەرسيتەتىنە جانە كەمبريدجدىك Clare College-گە جاڭا قايىرىمدىلىق اكسيالارىن جۇرگىزەتىن ءساتتى اسىعا كۇتۋدەمىن، ءسويتىپ، ۇلكەن يدەيالار مەن پاراساتتىلىق بار اكادەميالىق ورتانى ساقتاۋعا ءوز ۇلەسىمدى قوسپاقپىن»، - دەگەن بولاتىن ۋوتسون.
2007-جىلى ول Cold Spring Harbor زەرتحاناسى باسشىسى قىزمەتىنەن كەتتى، وندا ول 25 جىل بويى قاتەرلى ىسىك گەنەتيكاسىن زەرتتەۋمەن اينالىسقان بولاتىن.
ۋوتسون 1962-جىلى ءوزىنىڭ ارپتەستەرى فرەنسيس كريكپەن جانە موريس ۋيلكينسپەن بىرگە د ن ك مولەكۋلالارىننىڭ قۇرىلىمىن اشقانى ءۇشىن فيزيولوگيا مەن مەديتسينا سالاسىندا نوبەل سىيلىعىن الدى.
