19:43, 04 - جەلتوقسان 2014 | GMT +5
جوعالعان قىز كوكشەتاۋدان تابىلىپ، پوليتسەيلەر اتا-انالارعا كەڭەس بەردى
استانا. قازاقپارات - 26 - قاراشا كۇنى كوكشەتاۋ قالاسىنىڭ ىشكى ىستەر جەلىلىك بولىمىنە پەتروپاۆل قالاسىنىڭ ىشكى ىستەر باسقارماسىنا كامەلەتتىك جاسقا تولماعان جاس ءوسپىرىم قىزدىڭ جوعالىپ كەتكەنى تۋرالى حابار تۇسكەن.
كولىك پوليتسەيلەرى تەز ارادا جاس ءوسپىرىم قىزدىڭ تۇرعىلىقتى جەرىن انىقتاۋعا باعىتتالعان كەشەندى شارانى قولعا الدى دەپ حابارلايدى كولىكتەگى ءى ءى د باسپا ءسوز قىزمەتى.
كوكشەتاۋ ستانساسىنداعى ىشكى ىستەر جەلىلىك ءبولىمىنىڭ اكىمشىلىك پوليتسيا بولىمشەسى قىزمەتكەرلەرىنىڭ تەمىر جول ۆوكزالىندا ىزدەستىرۋ شارالارىن ءتيىمدى ۇيىمداستىرۋلارىنىڭ ناتيجەسىندە 2 - جەلتوقسان كۇنى جاس ءوسپىرىم قىز تابىلىپ، پەتروپاۆل قالاسىندا تۇراتىن اتا-اناسىنا تاپسىرىلدى.
پوليتسەيلەر الداعى ۋاقىتتا اتا-انالاردىڭ ءدال وسىنداي كەلەڭسىز جاعدايعا تاپ بولماۋلارى ءۇشىن بالالارىن نازاردان تىس قالدىرماي، اسىرەسە وتپەلى كەزەڭ جاسىنداعى جاسوسپىرىمدەرگە بارىنشا مۇقيات بولۋلارىنا كەڭەس بەرەدى.
