ەلىمىزدە مۇمكىندىگى شەكتەۋلى جاندار سانى ءوسىپ بارادى
بۇگىن ءماجىلىستىڭ الەۋمەتتىك-مادەني دامۋ كوميتەتىنىڭ كەڭەيتىلگەن وتىرىسىندا دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى سۆەتلانا جاقىپوۆا وسىلاي دەپ مالىمدەدى.
ونىڭ ايتۋىنشا، مۇمكىندىگى شەكتەۋلى جانداردىڭ دەڭگەيىن بەكىتۋ بويىنشا بارلىق قادامدار تولىق قايتا قاراستىرىلۋدا.
اتاپ ايتقاندا، مەملەكەتتىك قىزمەت كورسەتۋ سالاسىندا تالاپ ەتىلەتىن قۇجاتتاردى قىسقارتۋ جانە ولاردىڭ مەرزىمىن ازايتۋ نەگىزىنەن مەكەنجايلىق تىركەۋ جەكە تۇلعالارعا قاتىستى مەملەكەتتىك مالىمەتتەر بازاسى سەكىلدى اقپاراتتىق جۇيەلەرمەن، مۇمكىندىگى شەكتەۋلى ازاماتتار مەن ورالمانداردىڭ ورتالىقتاندىرىلعان مالىمەتتەر بازاسىنا ينتەگراتسيالاۋ ارقىلى قول جەتكىزىلەتىن بولادى.
بولجام بويىنشا، 2016 - جىلدىڭ 1 - قاڭتارىنان باستاپ مۇمكىندىگى شەكتەۋلى ازامات ءبىر عانا ءوتىنىش ارقىلى بىرنەشە قۇجاتقا قول جەتكىزە الاتىن بولادى. ولار مۇگەدەكتىك تۋرالى انىقتامالار، مەملەكەتتىك جاردەماقى جانە الەۋمەتتىك قارجىلاي كومەكتەر.
khabar.kz
