ەلباسى: شىمكەنت الەۋمەتتىك-ەكونوميكالىق تۇرعىدان تارتىمدى جاڭا ورتالىقتىڭ بىرىنە اينالادى
بۇل تۋرالى اقوردانىڭ باسپا ءسوز قىزمەتىنەن حابارلادى.
مەملەكەت باسشىسى وڭتۇستىك قازاقستان وبلىسى ەلىمىزدىڭ حالىق ەڭ تىعىز قونىستانعان جانە قارقىندى دامىپ كەلە جاتقان ءوڭىرى ەكەنىنە توقتالدى.
«باتىس ەۋروپا -باتىس قىتاي» اۆتوماگيسترالى، «بەينەۋ-بوزوي-شىمكەنت» گاز قۇبىرى، سونداي-اق ەل ىشىندە جاڭا كوممۋنيكاتسيالاردىڭ پايدا بولۋىنا سەبەپشى بولماق «نۇرلى جول» جالپى قازاقستاندىق جوباسى وبلىستىڭ الەۋمەتتىك-ەكونوميكالىق دامۋىنا تىڭ سەرپىن بەرەدى.
قازاقستان پرەزيدەنتى بۇگىندە جاھاندىق ۇدەرىستەردىڭ اياسىنداعى باستى مىندەتتەردىڭ ءبىرى تۇرعىندارىنىڭ سانى ميلليوندىق مەجەگە جەتكەن ءىرى ەلدەگى قالالاردى دامىتۋ بولىپ وتىرعاندىعىنا توقتالدى. بۇل ورايدا، شىمكەنت ەلدىڭ الەۋمەتتىك-ەكونوميكالىق تۇرعىدان تارتىمدى وڭتۇستىكتەگى جاڭا ورتالىعىنىڭ بىرىنە اينالادى.
مەملەكەت باسشىسى قازاقستاننىڭ ءوز كولىكتىك-ترانزيتتىك الەۋەتىن جۇزەگە اسىرۋدا كورشىلەس مەملەكەتتەرمەن دە تىعىز ىقپالداسىپ وتىرعانىن ايتتى.
«قازاقستان-تۇرىكمەنستان-يران» تەمىرجول ماگيسترالىنىڭ ىسكە قوسىلۋى ەلىمىزگە ءوز ءونىمىن پارسى شىعاناعى وڭىرىنە ەكسپورتتاۋعا جانە ءۇندىستان مەن وزگە دە وڭتۇستىك ازيالىق نارىقتارعا شىعارۋعا مۇمكىندىك بەرەدى.
سوڭىندا مەملەكەت باسشىسى ءوڭىر حالقىنا تابىس جانە باق-بەرەكە تىلەدى.
