ن. نازاربايەۆ: شىمكەنت يننوۆاتسيا مەن يندۋستريا ماماندارىنىڭ ورتالىعىنا اينالۋى ءتيىس
مەملەكەت باسشىسى ايماقتا جۇرگىزىلىپ جاتقان جۇمىستارمەن تانىسىپ، تۇرعىندارمەن كەزدەستى. ول ءىرى اگلومەراتسيالاردى قۇرۋ ەل ەكونوميكاسىن نىعايتانىنىن ايتتى.
«ەلوردامەن بىرگە ءبىز رەسپۋبليكانىڭ وزگە قالالارىن دا دامىتۋىمىز كەرەك. ءىرى قالالاردا عانا عىلىم مەن تەحنيكانى، مادەنيەتتى دامىتا الامىز. وسى باعىتتا شىمكەنت يننوۆاتسيا مەن يندۋستريا ماماندارى مەكەندەيتىن ورتالىققا، مادەنيەت جاقسى دامىعان قالاعا اينالۋى ءتيىس. بۇل ماقساتقا جەتۋ ءۇشىن كوپ جۇمىس اتقارىلدى. بەس جىلدا و ق و ەكونوميكاسى ەكى ەسەگە ۇلعايدى. 300 دەن استام مەكتەپ پەن 280 جاڭا دەنساۋلىق ساقتاۋ نىسانى سالىندى»، - دەدى پرەزيدەنت.
قالادا ونەركاسىپ دامىپ، قۇرىلىس قارقىندى ءجۇرىپ جاتقانىن اتاپ ءوتتى. «شىمكەنتتەگى جاڭا اكىمشىلىك-ىسكەرلىك ورتالىعىنىڭ قۇرىلىسى مەنىڭ باقىلاۋىمدا. بۇگىندە مۇندا كونگرەسس-حولل مەن كىتاپحانا سالىندى، وبلىستىق اكىمدىك عيماراتى سالىنۋدا. مۇراجاي مەن وزگە دە مادەنيەت نىساندارى قولدانىسقا بەرىلدى. مۇنىڭ بارلىعى حالىق يگىلىگى ءۇشىن جاسالىپ جاتىر»، - دەپ اتاپ ءوتتى ق ر پرەزيدەنتى ن. نازاربايەۆ.
ەلباسى و ق و اكىمى اسقار مىرزاحمەتوۆتىڭ جۇمىسىنا وڭ باعا بەردى. ەسكە سالا كەتەيىك، شىمكەنتكە ساپارى بارىسىندا نۇرسۇلتان نازاربايەۆ «تۇركىستان» كونگرەسس-ورتالىعىنىڭ، قازاق دراما تەاترى مەن «Rixos» قوناق ءۇيىنىڭ اشىلۋ سالتاناتىندا بولدى. سونداي-اق، پرەزيدەنت ەلدىڭ ءۇشىنشى مەگاپوليسى رەتىندەگى شىمكەنتتىڭ تۋريستىك مۇمكىندىكتەرىنىڭ دامۋى بويىنشا جۇمىسپەن تانىستى. بۇل ءۇشىن قالادا تاريحي-مادەني ايماق قۇرىلۋدا. وندا «ناۋرىز» الاڭى، وبلىستىق تاريحي-ولكەتانۋ مۇراجايى، سالت-داستۇرلەر ورتالىعى بولماق.
