قازاقستان ۆاليۋتاسى ەڭ ءالسىز اقشالاردىڭ وندىعىنا ەندى
2014-جىلدىڭ قاڭتارىنان بەرى قازاقستاندىق ۆاليۋتا 15 پايىزعا قۇنسىزدانعان. ەسكە سالا كەتەيىك، بيىل اقپاندا بولعان بىرساتتىك ديەۆالۆاتسيادان كەيىن تەڭگە دە ءوز قۇنىن كۇرت جوعالتتى. سوڭعى بىرنەشە كۇندە دوللاردىڭ تەڭگەگە باعامى ءبىراز ارتتى. قازىرگى باعام - 181,4 شاماسىندا.
الەمدەگى ەڭ ءالسىز ۆاليۋتالاردىڭ كوشىن بيىل گريۆنا مەن رۋبل باستاپ تۇر. قازىر رۋبلدىڭ ءوز قۇنىن جوعالتىپ، تاريحي انتيرەكوردتى جاڭارتىپ كەلە جاتقانى بەلگىلى. تەك قاراشا ايىندا رەسەيلىك ىشكى نارىقتا دوللاردىڭ رۋبلگە باعامى 24 پايىزعا ارتقان. ر ب ك Quote رۋبل وزگە الەمدىك ۆاليۋتالارمەن سالىستىرعاندا قانداي كۇيدە جانە رۋبل سىندى قۇنىن كۇرت جوعالتقان ەلدىڭ ازاماتتارى قارجىلىق اينالىمدارى قانداي ەكەنىن انىقتاماقشى.
رەسەي ۆاليۋتاسىنىڭ قۇنسىزدانۋى تەك گريۆنادان عانا جوعارى تۇر. جىل باسىنان بەرى رۋبل ءوز قۇنىنىڭ 40 پايىزىن جوعالتقان، ال ۋكراين گريۆناسى - 46 پايىز.
سايتتىڭ مالىمەتتەرى بويىنشا، قالعان ءالسىز ۆاليۋتالار كوش باسىندا تۇرعان بۇلاردان ەداۋىر الشاق ورنالاسقان. گانالىق سەدي مەن ارگەنتينالىق پەسو رۋبل مەن گريۆنادان كەيىنگى ورىنداردا، ولار جىل باسىنان بەرى 26 جانە 24 پايىز قۇنىن جوعالتقان. قالعان ءالسىز بەستىكتىڭ ىشىندە جىل باسىنان باستاپ 19 پايىز قۇنىن جوعالتقان سيريالىق فۋنت بار. تاعى ءبىر ايتا كەتەر جايت، قازاقستاندىق تەڭگە قىرعىزدىڭ سومىنان دا ءالسىز دەپ تانىلعان، سەبەبى سوم الەمنىڭ ەڭ ءالسىز ۆاليۋتالارى ءتىزىمىنىڭ توعىزىنشى ورنىندا تۇر. سوم جىل باسىنان بەرى 14 پايىز، ال جارتى جىلدا - 10 پايىز قۇنىن جوعالتقان. تىزىمنىڭ ەڭ تومەنگى ورنىندا مالاۆي كۆاچاسى تۇر، ول ءوز قۇنىنىڭ 12 پايىزىن جوعالتقان.
tengrinews.kz
