18:35, 03 - جەلتوقسان 2014 | GMT +6
تەگىن باسپانادا تۇرۋ ءۇشىن ادەيى جانجالداسادى ەكەن
استانا. قازاقپارات - بۇگىندە كەيبىر ەرلى-زايىپتىلار تەگىن باسپانادا تۇرۋ ءۇشىن ادەيى جانجالداسادى ەكەن.
بۇل تۋرالى بۇگىن استانا قالالىق «زورلىق-زومبىلىققا ۇشىراعاندارعا كومەك كورسەتۋگە ارنالعان داعدارىس ورتالىعى» حابارلادى.
ورتالىق باسشىلارىنىڭ ايتۋىنشا، كەيبىر ەرلى-زايىپتىلار ءبىر-بىرىمەن الدىن الا كەلىسىپ، ايەلى داعدارىس ورتالىعىنا، كۇيەۋى تۋىستارىنىڭ ۇيىنە بارىپ كۇن كورۋدى ءجون سانايدى.
داعدارىس ورتالىعىنا كەلگەن كەلىنشەكتەر كۇيەۋىنىڭ ۇرىپ-سوعاتىنىن ايتىپ، جىلارمان كۇيگە ەنەدى. كەيىننەن انىقتالعانداي ونداي قادامعا تەك تەگىن كۇن كورۋ ءۇشىن بارىپ جاتادى ەكەن. «قازىر وسىنداي ارىزبەن داعدارىس ورتالىعىنا كەلەتىندەرگە بىردەن كۇيەۋىنىڭ دە پوليتسيا بولىمشەسىنە قامالۋى مۇمكىن»، - دەپ تۇسىندىرىلەدى. ءدال وسى كەزدە ايەلدەردىڭ كوپشىلىگى جالتارىپ، كۇيەۋى تۇگىلى وزدەرى تۋرالى اقپارات بەرۋدەن قاشادى.
اۆتورى: ەلۆيرا تاعاي قىزى
khabar.kz
