سولتۇستىك كورەيالىق سابيلەرگە كيم چەن ىن اتىن قويۋعا تىيىم سالىندى

استانا. قازاقپارات - سولتۇستىك كورەيادا دۇنيەگە كەلگەن سابيلەرگە بۇدان بىلاي كيم چەن ىن دەگەن ات قويىلمايدى. قويىلعان جاعدايدا اتا- انا زاڭدى جاۋاپقا تارتىلۋى مۇمكىن.

  بۇل جايىندا Yonhap News Agency پورتالى حابارلاپ وتىر.

ال، بۇعان دەيىن ۇلت كوشباسشىسىنىڭ اتىن العان بالالار دەرەۋ قۇجاتتارىن وزگەرتىپ، ەسىمدەرىن اۋىستىرۋى ءتيىس. بيلىك وكىلدەرىنىڭ ايتۋىنشا، قاراپايىم ازاماتتار مەملەكەت باسشىسىنىڭ اتى- ءجونىن الماۋى كەرەك، ياعني وعان لايىقتى ەمەس. ونىڭ ۇستىنە، وزگەلەر شاتاستىرۋى ابدەن مۇمكىن دەيدى ولار.

 ايتا كەتەيىك، 2011 - جىلى كيم چەن ير وزىمەن اتتاس ەل تۇرعىندارىنا ەرىكتى تۇردە ەسىمدەرىن اۋىستىرۋعا كەڭەس بەرگەن بولاتىن. سولتۇستىك كورەيانىڭ نەگىزىن قالاۋشىلاردىڭ ءبىرى سانالاتىن كيم ير سەن دە كەزىندە ءدال وسىنداي بۇيرىق شىعارعان ەدى.

Baq.kz