عالامدى نە كۇتىپ تۇر؟
راسىندا دا، جىلقى جىلى ارىنىن باسا المادى، الەمدە گەوساياسي داعدارىس ءورشىدى. ءبىر ەلگە بۇكىل ەۋروپا مەن ا ق ش قارسى تۇردى، سانكتسيا جاريالادى. ونىڭ زاردابى قاراپايىم حالىققا ءتيدى. ال بۇل كۇردەلى جاعداي ءالى دە جالعاسا بەرە مە؟ بۇل ساۋال جاھاندى مازالاپ وتىرعانى انىق.
ال ءوزىنىڭ بولجامدارىمەن ەلدىڭ نازارىن اۋدارتىپ جۇرگەن پاۆەل گلوبا «2015 - جىل قوي ۇستىنە بوزتورعاي جۇمىرتقالايتىن كەزەڭ بولادى» دەگەنگە كۇمانمەن قارايدى. جالپى ايتقاندا، جەر- جاھاندا تابيعي كاتاكليزمدەر مەن اپات ءجيى ورىن الادى. ونىڭ قيىنشىلىعى حالىققا اۋىر بولادى. بەلگىلى جۇلدىزشىنىڭ ايتۋىنشا، ەۋروپا ەلدەرى مەن ا ق ش- تا ەكونوميكالىق قۇلدىراۋ بايقالىپ، جۇمىسسىزداردىڭ سانى ارتادى. الەمدىك ەكونوميكانىڭ تومەندەۋىنە قاتىستى رەسەي ءوزىنىڭ ەنەرگورەسۋرستارىن ساتۋدا كۇردەلى قيىندىقتارعا كەز بولادى. ءبىراق گلوبانىڭ ويىنشا، رەسەي ءوز جولىن تابادى، ادامزاتتىڭ دامۋ جولى ايقىندالادى. ەۋروپا ەلدەرى وزدەرىن قايتا قۇرۋعا تىرىسادى. ۇلتتىق جانە ءدىني قايشىلىق ءورشي تۇسەدى. قىتاي ەكونوميكاسى ورىستەيدى. جاپونيا، اۆستراليا مەن فيليپپيندى سۋ تاسقىنى مەن جەر سىلكىنىسى كۇتىپ تۇر. ەۋروايماقتا ەكولوگيالىق، ەكونوميكالىق، ساياسي جانە اۋىلشارۋاشىلىق داۋ تىنشىمايدى. ەۋروواق كۇردەلى وزگەرىستەرگە ۇشىراۋى مۇمكىن. مۇنداعى نەگىزگى ويىنشىلار وزدەرىنىڭ پوزيتسياسىن بەكىتىپ الادى، كەيبىرەۋلەرى وداقتان شىعۋى ىقتيمال. كەلەر جىلدىڭ ناۋرىز، ءساۋىر ايلارىندا ناتو- نىڭ اراسىندا پروبلەمالار پايدا بولادى، كۇزگە قاراي اسكەري وداقتان كەيبىر ەل شىعۋى مۇمكىن.
ال اتاقتى كورىپكەل نوسترادامۋستىڭ جۇلدىزناماسىنا سەنسەك، اتاپ ايتقاندا، تابيعي اپاتتار جىلىنا اينالادى. جەر- جەرلەردە جانارتاۋلار اتقىلاپ، تەڭىز تاسىپ، سۋناميلەر ءجيى بولىپ، ورمان ورتىنەن كوپتەگەن ەلدىڭ قازىناسى زارداپ شەگەدى. ءتىپتى كەي جەرلەردەگى ورتتەن كۇننىڭ كوزى، ايدىڭ بەتى كورىنبەيتىن جاعدايلار كەزدەسەدى. كۇتپەگەن وقيعا جىلدىڭ سوڭىندا ءتىپتى كۇردەلەنە تۇسەدى. توقتاۋسىز جاۋعان جاڭبىر مەن سۋناميدىڭ سالدارىنان ءبىرقاتار ەل قاتتى قيىندىققا كەزىگەدى. اتاپ ايتقاندا، ەۋروپانىڭ ءبىرقاتار مەملەكەتتەرى اۋىر اپاتقا كەزىگەدى، قازىناعا ۇلكەن شىعىن كەلەدى.
نوسترادامۋس سونىمەن قاتار افريكا ەلدەرىن اشتىق كۇتىپ تۇر دەگەن بولجام ايتادى. بۇكىل الەم ۇيقىدان ويانعانداي كۇي كەشەدى دە، تۇتقيىلدان كەلگەن تاعى كەسەلگە قارسى جۇمىلا كۇرەسەدى. بۇل زۇلىمدىق ادامزاتتى بىرىكتىرەدى دەيدى اتاقتى كورىپكەل. مۇمكىن، بۇل افريكا قۇرلىعىنان تارالىپ، قازىر جەر- جاھاندى الاڭداتىپ وتىرعان ەبولا دەرتى شىعار. بۇل بۇل ما، نوسترادامۋستىڭ ايتقانىنا سەنسەك، كەلەر جىلى تورتكۇل دۇنيەنى شارلايتىن جاڭا ءدىني اعىم پايدا بولادى. بۇل رەسەي اۋماعىنان باستاۋ الىپ، دۇنيە جۇزىنە تارايدى. بۇل قانداي ءدىن، ادامزاتقا اكەلەر قاۋپى قانشالىقتى كۇشتى، ءبىراق ول تۋرالى اتاقتى كورىپكەل ەشتەڭە ايتپايدى. ءبىراق ءبىر نارسە ايقىن، بەلگىلى جۇلدىزناماشى 2015 - جىلى يسلام مەن حريستيان ءدىنى اراسىندا قاراما- قايشىلىق كۇشەيە تۇسەدى، تەكەتىرەس ارتادى. سونىڭ سالدارىنان ءۇشىنشى دۇنيەجۇزىلىك سوعىس تۇتانىپ كەتە جازدايدى. اتاقتى كورىپكەلدىڭ ايتىپ وتىرعانى «يسلام قوزعالىسى» ۇيىمى شىعار. كىم ءبىلسىن، ءبىراق بۇل كۇردەلى جاعدايدى توقتاتۋعا قىتايدىڭ عانا شاماسى جەتەدى- مىس. رەسمي بەيجىڭنىڭ ديپلوماتيالىق بايلامىنان كەيىن ەكى جاقتىڭ اراسىنداعى ساياسي تەكەتىرەس توقتايدى دەيدى نوسترادامۋس. راسىندا، بۇل قانداي وقيعا بولۋى مۇمكىن، قىتاي قانداي ارەكەتكە بارۋى ىقتيمال؟ مۇنى دا ۋاقىت كورسەتەر.
ال استرولوگ ۆاسيليسا ۆولودينا كەلەر جىل كۇتپەگەن توسىن سىيلارعا تولى جىل بولادى دەپ سانايدى. ويتكەنى ەل اراسىنداعى داۋ مەن جانجالدار جوق جەردەن تۋادى. بۇل الەمدىك جانە وتباسىلىق جاعدايلارعا دا قاتىستى. تەك ادامداردىڭ وعان اقىلى جەتىپ، جاعدايدى كۇردەلەندىرۋگە تىرىسپاۋى قاجەت. الەمدىك ۆاليۋتانىڭ كۋرسى دا تەربەلىپ تۇرادى، سوندىقتان ادامدار قارجى نارىعىنداعى كەز كەلگەن جاعدايعا دايىن بولۋى كەرەك. تەك جىلدىڭ اياعىنا قاراي جاعداي تىنشيدى.
نوسترادامۋستىڭ بولجامدارىنا اتاقتى ۆانگانىڭ دا ايتقاندارى سايكەس كەلىپ تۇر. ۆانگانىڭ بولجامىنشا، كەلەر جىلى الەمدە جانجالدار ءورشيدى. تابيعي اپاتتاردىڭ سانى ارتادى. جەر- جاھاندا داۋ كوبەيەدى، ءتىپتى ءبىرقاتار ەلدەردە ازامات سوعىسى تۇتانا جازداپ بارىپ، باسىلادى. سونىمەن قاتار ۆانگانىڭ دەرەگىنشە، جەر- جەردە جۇمىسسىزدىق پەن ادامداردىڭ بيلىككە نارازىلىعى دا ارتادى. اتاقتى كورىپكەل 2015 - جىلى راكتى ەمدەيتىن ءدارى- دارمەك تابىلىپ، ادامزات قۋانىشقا بولەنەتىنىن ايتادى.
كەلەر جىلعا بولجام جاساپ وتىرعان كورىپكەلدەردىڭ بارلىعى دا ۋكرايناعا سوقپاي كەتپەيدى. ولاردىڭ كوبىسى جاقىن ارادا ۋكراينادا تۇراقتىلىق ورناي قويمايتىنىن ايتادى. ولاردىڭ دەرەگىنە قاراعاندا، قازىرگى شەنەۋنىكتەر بيلىك باسىندا ۇزاق تۇرمايدى. ءبىراق جۇلدىزناماشىلاردىڭ بولجامىنىڭ بارلىعى دا ورىندالادى دەۋ قيىن. مىسالى، وسىدان ءبىراز ۋاقىت بۇرىن تۋۆا شامانى اندرەي دوندۋكوۆ رەسەي ۋكرايناعا اسكەر كىرگىزەدى دەپ سەنىممەن ايتىپ، جۇرتتى شوشىتقان بولاتىن. ءبىراق جاعداي ولاي بولمادى. ەكى ەل اراسىنداعى تەكەتىرەستەن ءۇشىنشى دۇنيەجۇزىلىك سوعىس تا باستالعان جوق. ءبىراق ساياسي جاعداي ورشىگەنى راس، بۇگىن دە تىعىرىقتان شىعار جول تابىلماي تۇر. دەگەنمەن اتالعان ەلدىڭ تاعى ءبىر كورىپكەلى زايناپ ابدىراحمانوۆانىڭ ايتۋىنشا، كەلەر جىلى مۇنايدىڭ قۇلدىراۋى توقتايدى، شامامەن ءبىر باررەل 90 دوللارمەن دەڭگەيلەس بولادى. سانكتسيانىڭ ءتۇيىنى ازداپ شەشىلە باستايدى، ءبىراق كەي جاعدايدا قاتاڭدانا تۇسەدى. ەكونوميكالىق داعدارىس كۇردەلەنبەيدى، ازعانا ۋاقىتقا بولادى.
زايناپ ابدىراحمانوۆانىڭ دەرەگىنشە، ءوزىن- ءوزى تاۋەلسىز دەپ جاريالاعان ۋكراينانىڭ دونەتسك جانە لۋگانسك حالىق رەسپۋبليكالارى تاۋەلسىزدىك الىپ، رەسەيدىڭ قۇرامىنا ەنەدى. ال ەكىجاقتى سوعىستىڭ سوڭى كەلەر جىلدىڭ كوكتەمىندە اياقتالادى. بۇل ەندى قانشالىقتى اقيقات، ونى كەلەر كوكتەمدە كورەرمىز. دەگەنمەن، زايناپ ابدىراحمانوۆا ۋكراينا پرەزيدەنتى بولىپ سايلانعان پوروشەنكونىڭ بيلىك عۇمىرى ۇزاققا سوزىلمايدى دەگەندى ايتادى. كەلەر جىلدىڭ كۇزىنە قاراي ونىڭ بيلىكتەگى ورىنتاعى شايقالۋى ىقتيمال. ونىڭ ورنىنان كەتۋىنە سىرتقى كۇشتەر اسەر ەتە مە، جوق الدە ەلدەگى قيىن جاعداي ىقپال ەتۋى مۇمكىن بە، ول جاعىن كورىپكەل اشىق ايتپاي وتىر. ءبىراق ابدىراحمانوۆا 2018 -جىلعا دەيىن رەسەيدىڭ بيلىك باسىندا پۋتين نىق وتىرادى دەگەن سەنىمدە. ءبىراق.. .
تۋۆا حالقىنىڭ شامانى ەلەنا باتىر ارىپتەسىنىڭ بولجامدارىمەن كەلىسپەيدى. جوعارىدا اتى اتالعان، وزدەرىن تاۋەلسىز ەلمىز دەپ جاريالاعان ۋكراينانىڭ ەكى وبلىسى ەشقاشان رەسەيدىڭ قۇرامىنا ەنبەيدى، ولارعا ارنايى مارتەبە بەرىلەدى دەگەن پىكىردە. سونىمەن قاتار ەلەنا باتىر مۇناي باعاسى مەن ەكونوميكانىڭ قۇلدىراۋى جالعاسا بەرەدى دەپ سانايدى. سونىمەن قاتار ماسكەۋ استرولوگيا اكادەمياسىنىڭ پرەزيدەنتى ميحايل ليەۆين «دونەتسك مەن لۋگانسك ەشقاشان تاۋەلسىزدىك المايدى جانە رەسەيدىڭ قۇرامىنا كىرمەيدى» دەگەن پىكىردە.
.. .تۇراقتىلىق پەن تىنىشتىققا نە جەتسىن!
بەرىك بەيسەن ۇلى
«ايقىن»
