10:18, 03 - جەلتوقسان 2014 | GMT +6
قازاقستاندىقتارعا كەدەن وداعىنىڭ كەز-كەلگەن ەلىندە كولىك ساتىپ الۋعا رۇقسات بەرىلدى
استانا. قازاقپارات - قازاقستان، رەسەي مەن بەلارۋس اۆتوقۇجاتتىڭ ورتاق نۇسقاسىنا كوشۋدە. وسىلايشا، بۇل ەلدەردىڭ ازاماتتارى وداققا مۇشە كەز-كەلگەن ەلدە كولىك ساتادى نەمەسە ساتىپ الا الادى. بۇل تۋرالى 24.kz حابارلايدى.
قازاقستاندىقتارعا كەدەن وداعىنىڭ كەز-كەلگەن ەلىندە كولىك ساتىپ الۋعا رۇقسات بەرىلدى.
كەدەندىك وداقتىڭ كولىك قۇرالى جانە وزگە دە تەحنيكا تۇرلەرى قۇجاتىنىڭ جانە ەلەكتروندىق پاسپورت جۇيەسىن ۇيىمداستىرۋدىڭ ءبىرىڭعاي نۇسقاسىن ەنگىزۋ تۋرالى كەلىسىمى ورىندالۋى كەيىنگە شەگەرۋمەن كۇشىنە ەندى.
كولىك قۇرالى قۇجاتىنىڭ (ك ق ق) ءبىرىڭعاي فورماسىنىڭ قاعاز جانە ەلەكتروندى ءتۇرى بار.
بۇرىن بەلورۋس نەمەسە قازاقستاندا ساتىپ الىنعان كولىكتى رەسەيدە تىركەۋ كەزىندە قيىندىقتار تۋىنداعان. الدىمەن رەسەيلىك كەدەندە جاڭا ك ق ق راسىمدەپ، ەۆرو-5 كە سايكەستىگىن راستايتىن سەرتيفيكات العاننان كەيىن عانا كولىكتى تىركەيتىن. ەندى مۇنداي پروبلەما تۋىندامايتىن بولدى.
ساراپشىلاردىڭ پىكىرىنشە، بۇل جاڭاشىلدىق ەلدەر اراسىنداعى اۆتوموبيل ساۋداسىنىڭ وسۋىنە سەپ بولادى.
