08:26, 03 - جەلتوقسان 2014 | GMT +5
فرانسيا پارلامەنتى پالەستينانىڭ مەملەكەتتىگىن مويىندادى
استانا. قازاقپارات - فرانسيانىڭ ۇلتتىق جينالىس دەپۋتاتتارى پالەستينانىڭ مەملەكەتىگىن قولداپ، داۋىس بەردى، دەپ حابارلادى BBC فرانس-پرەسس اگەنتتىگىنە سىلتەمە جاساي وتىرىپ.
339 دەپۋتات پالەستينانى جاقتاپ، قولدايتىندىعىن بىلدىرسە، 151 دەپۋتات قارسى داۋىس بەرگەن. سونىمەن قاتار، دەپۋتاتتار فرانسيا ۇكىمەتىنە پالەستينانىڭ مەملەكەتتىگىن تانۋ كەرەكتىگىن جەتكىزگەن.
بۇعان دەيىن بريتانيا مەن يسپانيا ۇكىمەتى وسىنداي قادامعا باردى.
داۋىس بەرۋ قورىتىندىسى فرانسيانىڭ سىرتقى ساياساتىنا قاتىستى تالاپ پەن مىندەت بولىپ تابىلمايدى، دەپ جازادى فرانس-پرەسس.
