تۋريستەردى الداپ سوققان اۋە كومپانياسى ليتسەنزياسىنان ايرىلدى
قازاقستان زاڭىنا پىسقىرىپ تا قاراماعان اۋە كومپانياسى ەندى جۇمىسىن توقتاتۋى ءتيىس. ءبىراق وسى «ينۆەست اۆيا»-نىڭ ۇشاقتارىمەن شەتەلگە جەتكىزىلگەن وتانداستارىمىز ەلگە قايتا الماي زار جىلاپ وتىر.
كومپانيانىڭ ليتسەنزيادان ايرىلۋىنا ۇشاقتارعا قاتىستى تەحنيكالىق تالاپتاردى ورىنداماۋى سەبەپ بولعان. ايتا كەتسەك، و باستا «ينۆەست اۆيا»-نىڭ قازاقستان نارىعىنا كىرۋىنە وتاندىق اۋە كومپانيالارى مەن تۋروپەراتورلار جاپپاي نارازىلىق تانىتقان ەدى.
ءبىراق، سوعان قاراماستان ازاماتتىق اۆياتسيا كوميتەتى ولارعا ءبىزدىڭ نارىققا وتۋىنە رۇقسات بەردى. ءتىپتى، وسى قازان ايىندا تۋريستەردى تاسىمالداۋعا كىرىسىپ تە كەتكەن ەكەن. الايدا، ارادا ءبىر اي وتەر- وتپەستە شەتەلگە ساياحاتقا شىققان 580 جەرلەسىمىز تۋعان جەرىنە قايتا الماي وتىر. ولاردىڭ 3 ءجۇزى مىسىردا، 280 ى تايلاندتا قالعان. الدانعاندارىن كەش بىلگەن وتانداستارىمىز ەندى نە ىستەرلەرىن بىلمەي دال. ءبىراق شەنەۋنىكتەر تۋريستەردىڭ الدىڭعى لەگى 5- جەلتوقساندا ەلگە ورالادى دەپ سەندىرىپ وتىر.
بەكەن سەيداحمەتوۆ، ازاماتتىق اۆياتسيا كوميتەتىنىڭ ءتوراعاسى:
- شەتەلدە قالعان جولاۋشىلار بويىنشا ءبىز قازاقستاندىق كومپانيالارمەن سويلەسىپ جاتىرمىز. جولاۋشىلار قالمايدى. "پەگاسۋس" ءوزىنىڭ كەپىلدىگىن ايتتى. جانە دە ءبىزدىڭ اۆياكومپانيالارىمىز ولاردىڭ باعدارلاماسىن ءارى قاراي جالعاستىرۋعا دايىن.
ktk
