بوكستان الەم چەمپيونى نازىم قىزايباي: ازىرشە جىگىتتەرگە الاڭداعىم كەلمەيدى
ونىڭ ايتۋىنشا، وڭتۇستىك كورەيادا وتكەن بوكستان ءا چ-دا ول التىن مەدالعا تىنىمسىز جۇمىستىڭ ارقاسىندا يە بولدى.
"ەڭ بىرىنشىدەن، ەڭبەگىمنىڭ ارقاسى. بۇل تۋرنيرگە الدىن الا دايىندالدىق، ەڭبەگىمىز جەمىستى بولدى. بىزگە بارلىق جاعداي جاسالدى: ماسساج جاساۋشىلار، پسيحولوگتار. ءبىزدىڭ توپتىڭ جاتتىقتىرۋشى شتابىنىڭ ءۇمىتىن اقتاۋعا تىرىستىم"، - دەيدى نازىم قىزايباي.
ول ريو- دە- جانەيرودا وتەتىن وليمپيادا ويىندارىنا قاتىسۋ تۋرالى جوسپارىمەن دە ءبولىستى. ول ءۇشىن سپورتشى قىزدىڭ باسقا سالماق كاتەگورياسىنا وتۋىنە تۋرا كەلەدى. "قازىر مەنىڭ سالماعىم - 47 كيلوگرام. ماعان تىم بولماسا 50 گە جەتۋ كەرەك، سەبەبى ول جەردە سالماقتىڭ الاتىن ورنى بولەك. اقىرىنداپ جيناي بەرەمىن"، - دەيدى الەم چەمپيونى.
ونىڭ ايتۋىنشا، ول بوكستان بولەك سپورتتىڭ باسقا دا تۇرلەرىمەن اينالىسقان: "مەكتەپتە باسكەتبول، فۋتبول وينادىم. بالا كەزىمدە ۇلدارمەن توبەلەسەتىنمىن (كۇلدى). اعام، سپورتقا قابىلەتى بار بالالارعا ارنالعان ينتەرناتتىڭ اشىلعانىن ايتتى. مەن ەمتيحان تاپسىرىپ ەش قيىندىقسىز ءوتتىم. بەس ايدان سوڭ قازاقستاننىڭ جاسوسپىرىمدەر اراسىنداعى چەمپيوناتىنا قاتىسىپ، ءبىرىنشى ورىن الدىم".
نازىم قىزايباي ءوز وتباسى جايلى دا اڭگىمەلەدى. سپورتشىنىڭ سوزىنە قاراعاندا، ونىڭ وتباسىندا التى بالا بار. اتا-اناسى بالا كەزدەن ونىڭ بوكسپەن شۇعىلدانۋىنا قولداۋ كورسەتكەنىمەن، قازىر قىزدارىنىڭ جەكە ومىرىنە قاتىستى الاڭداۋشىلىق بىلدىرەدى. ءبىراق سپورتشى قىزدىڭ ايتۋىنشا، ونىڭ قازىر جىگىتتەرگە ۋاقىتى جوق: "ازىرگە باسقا ىسكە الاڭداعىم كەلمەيدى. تاپ قازىر ءوزىمدى سپورتتا عانا كورە الامىن، كوپ نارسەگە قول جەتكىزگىم كەلەدى. كەيدە اتا-انام، شىندىعىن ايتادى، بىرەۋدى تاپ دەيدى، ءبىراق مەنىڭ ۋاقىتىم ءالى كەلگەن جوق. الدا وليمپيادا- ريو- دە- جانەيروعا اتوي سالۋ قاجەت!".
ەسكە سالا كەتەيىك، قاراشانىڭ سوڭىندا نازىم قىزايباي بوكستان الەم چەمپيوناتىندا 48 كەلى سالماققا دەيىنگى كاتەگوريا بويىنشا التىن مەدالعا يە بولدى. ول فينالدا ينديادان كەلگەن قارسىلاسى - شامدجەتسابام ساردجۋبالادان اسىپ ءتۇستى.
kaz.tengrinews.kz
