ەلباسى: تاۋەلسىزدىكتىڭ ارقاسىندا وتانىن سۇيەتىن جاڭا ۇرپاق تاربيەلەندى - فوتو رەپورتاج
بۇل تۋرالى بۇگىن استانادا ق ر تۇڭعىش پرەزيدەنتى كۇنىن مەرەكەلەۋ اياسىنداعى باستى ءىس- شارالاردىڭ ءبىرى - «ءبىر وتان! ءبىر تاعدىر! ءبىر ەلباسى!» مەرەكەلىك كونسەرتىندە مەملەكەت باسشىسى نۇرسۇلتان نازاربايەۆ ءمالىم ەتتى.
«سىزدەر باقىتتى ۇرپاقسىزدار. سەبەبى تاۋەلسىز وتاندارىڭىزدا ءومىر ءسۇرىپ جاتىرسىزدار. ءبىز تاۋەلدىلىكتى كورگەن ۇرپاقپىز. سوندىقتان تاۋەلسىزدىكتىڭ قادىر- قاسيەتىن جاقسى بىلەمىز. ەلىمىزدىڭ تاۋەلسىزدىگىنىڭ ارقاسىندا جاڭا ۇرپاق تاربيەلەندى. ءبىلىمدى ۇرپاق تاربيەلەندى. وتانىن سۇيەتىن ۇرپاق تاربيەلەندى. بۇگىنگى تۇڭعىش پرەزيدەنت كۇنى - تاۋەلسىزدىكپەن ساباقتاس»، - دەدى ەلباسى.
وسى ورايدا مەملەكەت باسشىسى وسىدان 23 جىل بۇرىن ءبىزدىڭ ەلىمىز تاريحىندا تۇڭعىش رەت جالپى حالىقتىق سايلاۋدا ءوز باسشىسىن سايلاعانىن ەسكە سالىپ ءوتتى.
«سول كەزدە 90 پايىزدان استام ماعان كورسەتكەن سەنىمنىڭ ارقاسىندا، مەن 15 كۇننەن كەيىن تاۋەلسىزدىكتى جاريالادىم. حالىقتىڭ سەنىمىنە سۇيەندىم، حالىقتىڭ سەنىمى كۇش- قۋات بەردى. سودان بەرى ءبىز تاۋەلسىز مەملەكەتتە ءومىر ءسۇرىپ كەلەمىز»، - دەدى پرەزيدەنت.
مەملەكەت باسشىسى وتكەن جىلداردا قازاقستاندى بارشا الەم تانىعاندىعىن، ب ۇ ۇ- دا ەلىمىزدىڭ جالاۋى جەلبىرەپ، الەم ەلدەرىمەن دەڭگەيلەس بولعانىمىزدى قاداپ ايتتى.
«ەلىمىزدى وركەندەتىپ، ەكونوميكامىزدى نىعايتىپ، الەۋمەتتىك جاعدايىمىزدى كۇشەيتىپ، حالقىمىزدىڭ مەرەيىن كوتەردىك. قيىنشىلىق داعدارىستارعا قاراماستان جاريالانعان «نۇرلى جول» اتتى جاڭا باعدارلاما، 2050 - جىلعا دەيىنگى ستراتەگيالىق باعدارلاما، وسىنىڭ بارلىعى جاستار ءۇشىن. ءبىزدىڭ بۋىن جالاۋدى الداعى ۋاقىتتا قولدارىڭىزعا بەرگەن كەزدە، وسىنى قادىرلەپ، ارى قاراي الىپ بارادى، قازاقستاننىڭ تاۋەلسىزدىگىن قاسىق قانى قالعانشا قورعايدى دەگەن سەنىمدەمىز»، - دەدى ن. نازاربايەۆ.
ەلباسى بارشا حالىقتى ىشكى بىرلىكتى ساقتاۋعا، ەگەمەندىكتى قادىرلەۋگە، ايانباي ءبىلىم الۋعا جانە ەڭبەك ەتۋگە شاقىردى.
