قازاق مۋزىكاسى ارقىلى ءتىلىمىزدى دۇنيەءجۇزى ەلدەرىنە ناسيحاتتايتىن بىرەگەي جوبا
بيىل دا ەلوردا تورىندە ۇيىمداستىرىلعان قازاق راديوسىنىڭ ءتول جوباسى - «دالا داۋىسى 2014» راديو فەستيۆالىنە قاتىسۋشىلار «ءداستۇرلى ءان»، «اكادەميالىق ورىنداۋشى»، «ەسترادالىق ورىنداۋشى»، «ەتنوەسترادا» جانە «جاڭا ەسىم» اتالىمدارى بويىنشا باق سىنادى.
ەسكە سالا كەتسەك، «دالا داۋىسى» راديوفەستيۆالى العاش رەت ەفيردە 2012 - جىلى باستاۋ الىپ، قازاق مۋزىكاسى ارقىلى انا ءتىلىمىزدى دۇنيەءجۇزى ەلدەرىنە ناسيحاتتايتىن بىرەگەي ونەر جوباسىنا اينالدى. باستى تالاپ - فەستيۆالگە قاتىسۋشىلاردىڭ، ءتىپتى ول شەت ەلدىك ۇمىتكەرلەر بولسا دا، قازاق ءانىن ناقىشىنا كەلتىرىپ ورىنداۋ. سول سەبەپتى دە از عانا ۋاقىت ىشىندە «دالا داۋىسى» جوباسى راديوفەستيۆال شەڭبەرىنەن اسىپ، بەدەلدى مۋزىكالىق شەرۋگە اينالىپ وتىر.
اتالمىش جوبانىڭ باستى ماقساتى - قازاقتىڭ ءداستۇرلى جانە زاماناۋي اندەرىن حالىقارالىق دەڭگەيدە كەڭىنەن ناسيحاتتاۋ، ءسىڭىرۋ. ونەر الەمىنە جاڭا تالانتتاردى اشىپ تانىتۋ. ءار جىلدارداعى قازاقتىڭ ءان تاريحىن ۇمىتتىرماي، تىڭدارمانعا جۇلدەلەپ اققان قان تامىرىنداي جاقىن بولۋ. «دالا داۋىسى - 2014» ميليونداعان راديوتىڭدارمان سۇيىكتى اندەرىنە 100 پايىز داۋىس بەرۋى ارقىلى 41 ءانشىنى فينالعا وتكىزدى. ال، فينالدا 40 پايىز تىڭدارمانداردىڭ داۋىس بەرۋىمەن، 40 پايىز مامانداردىڭ ساراپتاۋىمەن، 20 پايىز قازاق راديوسىنىڭ كوركەمدىك كەڭەسىنىڭ شەشىمىمەن جانە ۇيىمداستىرۋ القاسىنىڭ تاڭداۋى ناتيجەسىندە جەڭىمپازدار انىقتالدى.
«دالا داۋىسى - 2014» راديوفەستيۆالىنىڭ لاۋرەاتتارى:
«ءداستۇرلى ءان» اتالىمى بويىنشا:
گۇلمارس امانبايەۆا - «قامشىگەر»
قايرات كاكىموۆ - «ۇلكەن ايداي»
ارداق يساتايەۆا - «ءىنجۋ- مارجان»
ءسابيت دابىلوۆ - «قۇمارىن تارقات»
«اكادەميالىق ورىنداۋشى» اتالىمى بويىنشا:
بيبىگۇل جانۇزاق پەن نۇرعالي تۇرلىبەكوۆ دۋەتى - «نازقوڭىر» .
«ەسترادالىق ورىنداۋشى» اتالىمى:
ءالي وقاپوۆ - «بيلە»
التىناي جورابايەۆا - «پەرزەنت پارىزى»
مارجان اراپبايەۆا - «ارمانىما اسىعامىن»
قۇرماش ماحانوۆ - «كىرشىكسىز مۇڭ»
«زامان» توبى - «قاراكوزىم»
قايرات باەكەنوۆ جانە «فورمات» توبى - «ماحاببات»
ەتنو ەسترادالىق ورىنداۋشى» اتالىمى:
اقىلبەك جانابايەۆ - «قازاقپىن»
شاحيريزات سەيداحمەت - «جەلدىرمە»
«جاڭا ەسىم» اتالىمى بويىنشا:
الداسپان توبى - «بوزتورعاي» قازاقستان
مارجان يسايەۆا - «داۋرەن اي» قازاقستان
سايان دەمبيريەل - «اۋىلىم» رەسەي
ەكاتەرينا سىچيەۆسكايا - «قازاقستانىم العا» بەلورۋسسيا
لانا فرانچەسكو - «ءاليا» لاتۆيا
ادريانا شيەۆچەنكو - «العاشقى كوكتەم» ۋكراينا
قاينار قاتپايەۆ - «استانا ارۋى» قىتاي حالىق رەسپۋبليكاسى
جەڭىمپاز اتانعان ورىنداۋشىلارعا «دالا داۋىسىنىڭ» مۇسىنشەسى مەن ارنايى ديپلومىن ەلىمىزدىڭ ونەر جانە قوعام قايراتكەرلەرى مەن دەپۋتاتتار تابىستادى. كەش ونەرسۇيەر قاۋىم مەن راديوتىڭدارمانداردىڭ ويىنان شىعىپ، جوعارى دەڭگەيدە ءوتتى.
