قازاقستاندىق وقۋشىلار جاساعان روبوت حالىقارالىق وليمپيادادان جۇلدەمەن ورالدى

استانا. قازاقپارات - الەمنىڭ 47 مەملەكەتىنەن جيىلعان جاس ونەرتاپقىشتاردىڭ اراسىندا ەلىمىزدىڭ نامىسىن ءار ايماقتان ىرىكتەلگەن 27 تالاپكەر قورعاعان بولاتىن.

  ولاردىڭ قاتارىندا تالدىقورعانداعى نازاربايەۆ زياتكەرلىك مەكتەبىنىڭ وقۋشىلارى تالعات بەك پەن راتمير سارتبايەۆ تا بولدى، دەپ حابارلادى www.24.kz.

جەتىسۋلىق قوس شاكىرتتىڭ يننوۆاتسيالىق جوباسى - گيروسكوپ روبوتى مامانداردىڭ نازارىنا ءىلىنىپ، قولا مەدالدىڭ يەگەرى اتاندى. گيروسكوپ عارىشتىق ستانسيالاردا قولدانىلاتىن اينالمالى قۇرال. ول ادامنىڭ كومەگىنسىز جۇمىس ىستەي المايدى. ال ءبىزدىڭ جوبامىزدىڭ ماقساتى - ونى ادامسىز- اق جۇمىس ىستەي الاتىن جاعدايعا جەتكىزۋ. ارەكەتىمىز جەمىستى بولدى، - دەيدى جاڭالىق اۆتورلارى.