ماحەر زەين ماسكەۋدەگى ماۋلىتكە قاتىسادى

استانا. قازاقپارات - ماسكەۋ ءمۇفتيى يلدار حازىرەت الياۋتدينوۆ ىستامبۇل قالاسىندا ءماۋلىت مەرەكەسىنە دايىندىق جۇمىستارىن جاساۋدا. يلدار الياۋتدينوۆ پەن ماحەر زەين «پايعامبار ءماۋلىتى» مەرەكەسى باعدارلاماسى جايىندا ويلاسىپ، پىكىر الماستى،

دەپ حابارلادى www.muslim.kz.

ماسكەۋ قالاسىنىڭ ءمۇفتيى تۇركيا ەلىندەگى ساپارى بارىسىندا الەمگە تانىمال ناشيد ورىنداۋشى ماحەر زەينمەن كەزدەسىپ، مۇباراك مەرەكەگە بىرلەسە دايىندىق جاساۋدى ۇيعاردى.

ماسكەۋ مۇسىلماندارى ءدىني باسقارماسىنىڭ مالىمدەۋىنشە، يلدار حازرەت پەن ماحەر زەيىننىڭ جەكە سۇحباتىندا الدا كەلە جاتقان ارداقتى پايعامبارىمىز مۇحاممەدتىڭ (س. ا. س. ) ماۋلىتىنە وراي ءانشىنىڭ ماسكەۋگە مەرەكەلىك باعدارلاماعا ارنايى قاتىسۋى تۋرالى ءسوز بولدى.

 ەكىجاقتى ىنتىماقتاستىق كەزدەسۋى سوڭىندا ماحەر زەيننىڭ 2015 - جىلدىڭ 25 - قاڭتارىندا ماسكەۋ قالاسىندا وتەتىن ءماۋلىت مەرەكەسىنە قاتىساتىندىعى ءمالىم بولدى.

 ماحەر زەين - الەمگە تانىمال ناشيد ورىنداۋشى، تەگى ليۆاندىق شۆەد ءانشىسى. ونىڭ ءبىر ءانىنىڭ ءوزىن tubeYou سايتىنىڭ وقىرماندارى 45 ميلليون رەت تىڭداعان.