قىرعىزستان كەدەي ەلدەر تىزىمىنەن شىقتى - ا. اتامبايەۆ

استانا. قازاقپارات - الەم قاۋىمداستىعى قىرعىزستاندى كەدەي ەل دەپ سانامايتىن بولدى. بۇل تۋرالى قىرعىزستان پرەزيدەنتى المازبەك اتامبايەۆ ءمالىم ەتتى،

دەپ حابارلايدى BNews.kz ءتىلشىسى.

 المازبەك اتامبايەۆ و ت ر ك تەلەارناسىنا بەرگەن سۇحباتىندا ءمالىم ەتكەندەي، كوبى، ونىڭ ىشىندە باق تا، دۇنيەجۇزىلىك بانكتىڭ قىرعىزستان كەدەي ەلدەر تىزىمىنەن شىعىپ، دامۋشى ەلدەر قاتارىنا قوسىلدى دەگەن مالىمدەمەسىن ەلەمەدى. «دۇنيەجۇزىلىك بانك پەن باسقا دا حالىقارالىق ۇيىمداردىڭ سارالاۋى بويىنشا، ءبىزدىڭ ەلىمىز 2014 - جىلدان باستاپ كەدەي ەلدەر ساناتىنان شىعىپ، تابىس كولەمى ورتاشا دامۋشى ەلدەر قاتارىنا قوسىلدى»، - دەدى ا. اتامبايەۆ.

 قىرعىزستاننىڭ ك و- عا قوسىلۋىنا توقتالعان ا. اتامبايەۆ ەلدىڭ ەكونوميكالىق ءوسۋى مەن دامۋى ءۇشىن ۇلكەن مۇمكىندىكتەر اشىلىپ وتىرعانىن ءمالىم ەتتى.

 ەستەرىڭىزگە سالا كەتەيىك، 2014 - جىلدىڭ 23 - جەلتوقسانىندا ماسكەۋدە جوعارعى ەۋرازيالىق ەكونوميكالىق كەڭەستىڭ كەزەكتى وتىرىسى وتەدى. قىرعىزستان بەلگىلەنگەن «جول كارتالارىن» بەكىتۋ بويىنشا بارلىق راسىمدەردى اياقتاپ، 2015 - جىلدىڭ 1 - قاڭتارىنان باستاپ ىقپالداستىق ۇيىمىنا قوسىلۋ تۋرالى شارتقا قول قويۋدى كوزدەپ وتىر.