قازاقستان مەن تۇركىمەنستان پرەزيدەنتتەرىنىڭ كەزدەسۋلەرى قورىتىندىسى بويىنشا ءبىرقاتار قۇجاتتارعا قول قويىلدى

اشحاباد. قازاقپارات - بۇگىن ق ر پرەزيدەنتى نۇرسۇلتان نازاربايەۆ پەن تۇركىمەنستان پرەزيدەنتى گۋربانگۋلى بەردىمۇحامەدوۆتىڭ كەلىسسوزدەر قورىتىندىسى بويىنشا ءبىرقاتار قۇجاتتارعا قول قويىلدى.

اتاپ ايتقاندا، تۇركىمەنستان ۇكىمەتى مەن ق ر ۇكىمەتىنىڭ اراسىندا تەڭىز كولىگى سالاسىنداعى ىنتىماقتاستىق، تۇركىمەنستان ۇكىمەتى مەن ق ر ۇكىمەتى اراسىندا تۇركىمەنستان- قازاقستان حالىقارالىق ترانزيتتىك تەلەكوممۋنيكاتسيالىق باعىتىن قۇرۋ تۋرالى كەلىسىم، تۇركىمەنستاننىڭ ونەركاسىپ يەلەرى جانە كاسىپكەرلەر وداعى مەن قازاقستاننىڭ سىرتقى ساۋدا پالاتاسىنىڭ اراسىندا ىسكەرلىك كەڭەس قۇرۋ تۋرالى كەلىسىمگە، تۇركىمەنستاننىڭ بالقان ءۋالاياتىنىڭ حياكيمليگى مەن ق ر ماڭعىستاۋ وبلىسىنىڭ اكىمدىگى اراسىندا ساۋدا-ەكونوميكالىق، عىلىمي- تەحنيكالىق جانە مادەني ىنتىماقتاستىق تۋرالى، تۇركىمەنستاننىڭ عىلىم اكادەمياسى مەن حالىقارالىق تۇركى اكادەمياسىنىڭ اراسىنداعى ءوزارا تۇسىنىستىك مەموراندۋمىنا قول قويىلدى.