قازاقستانداعى مۇناي وڭدەۋ زاۋىتتارى جاڭعىرتىلعان سوڭ جانارماي مولشىلىعىنان پروبلەمالار تۋىنداۋى مۇمكىن
«اتىراۋ مۇناي وڭدەۋ زاۋىتىنا كەلسەك، مۇنداعى باستى ماسەلە - بۇل زاۋىت تابيعي مۇناي كەنىنىڭ ورتاسىندا تۇر، ەندەشە زاۋىت شيكىزاتتان تارشىلىق كورمەيدى. دەگەنمەن ماسەلەنىڭ باسقا قىرى بار: باتىس قازاقستان دەموگرافيالىق جاعىنان حالقى از شوعىرلانعان ءوڭىر بولىپ تابىلادى. سوندىقتان دا قۇلاققا قانشاما وعاش ەستىلگەنىنە قاراماستان ايتايىق: بارلىق ءۇش مۇناي وڭدەۋ زاۋىتتارىن جاڭعىرتۋدان كەيىن بىزدە مۇناي ونىمدەرىنىڭ مولشىلىعى پروبلەماسى تۋىنداۋى مۇمكىن، ال ونداي كوپ مۇناي ونىمدەرىن ءبىر جەرگە وتكىزۋىمىز كەرەك قوي»، - دەدى دانيار تيەسوۆ.
ونىڭ ايتۋىنشا، قازاقستاننىڭ مۇناي ونىمدەرىنىڭ ەكسپورتتىق نارىعى دا كوپ ەمەس. ماسەلەن، رەسەي مەن قىتاي نارىعى ەكسپورتقا ءزارۋ ەمەس بولسا، ەلدىڭ باتىسىندا دا سونداي احۋال قالىپتاسقان. ءبىر عانا الەۋەتتى باعىت - ورتالىق ازيا.
«دەگەنمەن بارلىق زاۋىتتاردى جاڭعىرتۋ جۇمىستارى وڭدەۋدى تەرەڭدەتۋ بويىنشا دا جۇزەگە اساتىن بولادى. بۇل باستى ماسەلە. بۇگىنگى تاڭدا ءبىز جەتكىلىكتى تۇردە ءونىمدى وڭدەپ جاتىرمىز، الايدا اشىق ءتۇستى مۇناي ونىمدەرىن، اۆتوبەنزين، كەروسين مەن ديزەل وتىنىن جەتكىلىكتى شىعارا الماي كەلەمىز»، - دەدى د. تيەسوۆ.
اۆتور: قانات مامەتقازى ۇلى
