ەلباسى ۇلتتىق قاۋىپسىزدىك كوميتەتىنىڭ ءتوراعاسىنا ەل ازاماتتارىنىڭ سيرياداعى اسكەري قيمىلدارعا قاتىسۋىنا نازار اۋدارۋدى جۇكتەدى

استانا. قازاقپارات - مەملەكەت باسشىسى نۇرسۇلتان نازاربايەۆ ۇلتتىق قاۋىپسىزدىك كوميتەتىنىڭ ءتوراعاسى نۇرتاي ابىقايەۆتى قابىلدادى، دەپ حابارلادى اقوردانىڭ باسپا ءسوز قىزمەتى.

ن. ابىقايەۆ مەملەكەت باسشىسىنا كوميتەتتىڭ قازىرگى جۇمىسى مەن الداعى كەزەڭدەگى نەگىزگى مىندەتتەرى تۋرالى باياندادى.

كەزدەسۋ بارىسىندا قازاقستان پرەزيدەنتى ەل ازاماتتارىنىڭ سيريا اۋماعىنداعى اسكەري قيمىلدارعا قاتىسۋ وقيعالارىنا ايرىقشا نازار اۋدارا وتىرىپ، حالىقارالىق لاڭكەستىك پەن ەكسترەميزم قاتەرلەرىنە قارسى تۇرۋعا باعىتتالعان بارلىق قاجەتتى شارالاردى قابىلداۋدىڭ ماڭىزدىلىعىن اتاپ ءوتتى.

كەزدەسۋ قورىتىندىسى بويىنشا مەملەكەت باسشىسى ءبىرقاتار ناقتى تاپسىرمالار بەردى.