قىزدارىمىز تايلاندتان التىنمەن ورالدى

استانا. قازاقپارات - تايلاندتىڭ پحۋكەت قالاسىندا جاعاجاي ۆولەيبولىنان ءتورتىنشى ازيا ويىندارى اياقتالدى.

قازاقستاننان بارلىق قۇراما ءساتتى ونەر كورسەتتى. قىزدار اراسىندا تاتيانا ماشكوۆا مەن يرينا تسيمبالوۆا بارلىق قارسىلاستارىنان باسىم ءتۇسىپ، ءبىرىنشى ورىندى ەنشىلەدى.

ولار فينالدا جارىس قوجايىندارى تايلاند قىزدارىنان ەكى پارتيادا جەڭىسكە جەتتى (21:13؛ 23:21).

ەرلەر اراسىندا كۋلەشوۆ پەن ياكوليەۆ جۇبى جارتىلاي فينالعا دەيىن جەتىپ، ءتورتىنشى ورىن الدى. جەرلەستەرىمىز قولا جۇلدە ءۇشىن تالاستا كاتاردىڭ «برازيليالىق» كومانداسىنا ۇتىلدى.

ەرلەر اراسىنداعى تاعى ءبىر جۇپ بوگات -  پۋستىننيكوۆ جانە قىزدار اراسىنداعى ساماليكوۆا -  لاسيۋتا كوماندالارى بەسىنشى ورىننان كورىندى.

Baq.kz