قىرعىزستاندا اۋىر ەمەس قىلمىستار ءۇشىن ءتان جازاسىن ەنگىزۋ ۇسىنىلدى
قىرعىزستان اۋماعىندا ءتان جازاسىن ەنگىزىپ، زاڭداستىرۋدى رەسپۋبليكا پارلامەنتىنىڭ دەپۋتاتى داستان بەكەشيەۆ ۇسىندى. «بۇل شارالاردى جەڭىل نەمەسە ورتا دەڭگەيدەگى باپتارىنداعى زاڭدى بۇزعان تۇلعالارعا قولدانۋعا بولادى. مىسالى، سينگاپۋردا جول قوزعالىسى ەرەجەسىن بۇزعان ادامدى قامشىمەن ۇرىپ جازالاۋ ءتۇرى بار»، - دەدى بەكەشيەۆ.
دەپۋتات وسى زاڭ جوباسىن جاساپ، قوعامدىق تىڭداۋ وتكىزۋدى جوسپارلاپ وتىر. ال ەگەر ونىڭ باستاماسى قولداۋ تاپسا، بەكەشيەۆ ءتان جازاسىن قولدانۋ تۋرالى زاڭ جوباسىن ەلدىڭ پارلامەنتىنە تالقىلاۋعا جىبەرمەك نيەتتە.
وتكەن جىلى استانانىڭ بۇرىنعى مۇعالىمى جاسىن ەرمەكوۆ قازاقستان مەكتەپتەرىندە ءتان جازاسىن ەنگىزۋدى ۇسىنعان ەدى. ول بۇل شارانىڭ وقۋشىلاردىڭ وقۋ ۇلگەرىمىن جاقسارتاتىنىنا سەنىمدى. ونىڭ پىكىرىنشە، باتىستىڭ وقۋ جۇيەسىن، مەكتەپ فورماسىن جانە ينتەراكتيۆتى تاقتاسىن الساق تا، دەنە جازاسى سياقتى ماڭىزدى ءادىستى ۇمىت قالدىردىق. «سينگاپۋر، وڭتۇستىك كورەيا جانە امەريكا قۇراما شتاتتارى وقۋ مەكەمەلەرىندە جازالاۋدىڭ بۇل ءتۇرىن ءالى دە ساقتاپ كەلەدى. ناتيجەسىندە ولار قۋاتتى ەكونوميكا جاساي ءبىلدى. ول جاقتا بالانى ساباقتان شەتتەتۋ ءبىلىم بەرۋ جۇيەسىنىڭ بالانىڭ جامان ادەتتەرىن كەشىرۋى دەپ سانالادى. ال ونىڭ قۇيرىعىن جاقسىلاپ تومپەشتەپ السا، تەنتەكتى قوعامنىڭ مۇشەسى بولۋعا لايىقتى ادام ەتىپ شىعارۋعا مۇمكىندىك بولادى»، - دەدى ەرمەكوۆ.
tengrinews.kz
