چەحيا قازاقستاندىقتارعا ۆيزا بەرۋ ماسەلەسىن جەڭىلدەتەدى

استانا. قازاقپارات - چەحيا قازاقستاندىقتارعا ۆيزا بەرۋ پروتسەدۋراسىن جەڭىلدەتەدى. بۇل تۋرالى بۇگىن اقوردادا ەلباسى نۇرسۇلتان نازاربايەۆپەن كەلىسسوزدەردەن كەيىن ب ا ق وكىلدەرىنىڭ ساۋالىنا جاۋاپ بەرگەن چەحيا پرەزيدەنتى ميلوش زەمان ايتتى.

«ۆيزالىق رەجىمدى جەڭىلدەتۋگە قاتىستى ايتار بولسام، قازىرگى ۋاقىتتا ءبىزدىڭ ەلشىلىك ۆيزا بەرۋدەگى ءوز الەۋەتىن ۇلعايتىپ وتىر. بۇعان قوسا، بۇگىندە ۆيزا بەرۋدىڭ اۋتسورسينگى دايىندالۋدا. ياعني، قازاقستاننىڭ بۇكىل اۋماعىندا ۆيزا-پوينتس قۇرىلاتىن بولادى. بۇل ۆيزا بەرۋ پروتسەدۋراسىن ايتارلىقتاي جەڭىلدەتىپ، جەدەلدەتەدى. ارينە، بىزدەر قىزمەتتىك ءتول قۇجاتى بار تۇلعالارعا ۆيزانى تولىعىمەن الىپ تاستاۋ تۋرالى دا ۋاعدالاستىققا دايىنبىز»، - دەدى م. زەمان.

چەح پرەزيدەنتىنىڭ ايتۋىنشا، قازاقستان مەن ەۋرووداق باسشىلىعى اراسىنداعى ۋاعدالاستىققا سايكەس باسقا دا ساناتتاعى تۇلعالار ءۇشىن ۆيزالىق رەجىمنىڭ جەڭىلدەتىلۋ مۇمكىنشىلىگى بار.

اۆتور: مارلان جيەمباي