گولوۆكين قازاقستاندىق جانكۇيەرلەرگە مىڭنان استام قولتاڭبا تاراتتى - فوتو
جانكۇيەرلەر كوپتەن كۇتكەن جۇزدەسۋ ۋنيۆەرسيتەتتىڭ اتريۋم زالىندا ءوتتى جانە 3 ساعاتتان استام ۋاقىتقا جالعاستى.
گەننادي وزىنە تىلەۋلەس حالىقتىڭ جاۋدىرعان سۇراقتارىنا جاۋاپ بەردى جانە ولارمەن بىرگە اۆتوگراف-سەسسيا ۇيىمداستىردى.
«مەن «بولاشاق» باعدارلاماسى بويىنشا ا ق ش-تا وقىپ جۇرگەنىمدە گولوۆكيننىڭ نيۋ- يوركتە وتكەن جەكپە-جەكتەردىڭ بىرىنە بارىپ، تاماشالاعان بولاتىنمىن. ەندى، مىنە، سوناۋ پەتروپاۆل قالاسىنان جانۇيامىزبەن بىرگە چەمپيوندى كورۋگە ارنايى كەلدىك. ونىڭ قولتاڭباسىن الىپ، سۋرەتكە ءتۇسىپ تە الدىق. گەنا - چەمپيون عانا ەمەس، بالالارعا ۇلگى بولاتىن ازامات. كەزەك وتە كوپ، ءبىراق بىز شىدادىق، بالالارىم ونىڭ قولتاڭباسىن الىپ ءماز بولدى. گولوۆكين شىنىمەن حالقىنىڭ ءسۇيىنىشى. قازاقستاننىڭ ءار وڭىرىنەن قانشاما حالىق كەلدى. مەن بىلاي ساناپ وتىرسام، ولاردىڭ قولىندا بىرنەشە كارتوچكا مەن پلاكاتتار بار. سوندىقتان ونىڭ بەرگەن قولتاڭبالارى 1 مىڭنان اسىپ كەتەدى. ءبىراق گەناعا ول ءسوز بولىپ پا، ونىڭ قولى ناعىز چەمپيوننىڭ قولى ەمەس پا؟!»، - دەيدى جاراس الشىنوۆ «قازاقپارات» تىلشىسىنە بەرگەن سۇحباتىندا.
