عالىمدار قىستا قىزداردىڭ نە سەبەپتى سالماق قوساتىنىن انىقتادى

استانا. قازاقپارات - بريتان عالىمدارى قىس ەزگىلىندە نە سەبەپتى قىزدار ءسال ەركىنسىپ، سالدارىنان ارتىق سالماق قوساتىنىن انىقتادى.

ولار سونداي- اق وزدەرىنە ءتيىستى دەڭگەيدە كوڭىل بولمەيدى ەكەن. بۇل تۋرالى Bnews.kz حابارلايدى.

 ماماندار 2000 ايەل مەن ەر ادامدى ساۋالناماعا تارتىپ، كەڭ اۋقىمدى زەرتتەۋ جۇرگىزگەن. ناتيجەسىندە، ايەلدەردىڭ 60% ى قىس مەزگىلىندە ءتۇرلى كۇردەلى ديەتالاردان باس تارتىپ، جاتتىعۋ جاسامايتىندارىن، باسىم ۋاقىتىن زياندى تاعام جەي وتىرىپ، تەلەديدار الدىندا وتكىزەتىندەرىن مويىنداعان.

 نازىك جاندىلاردىڭ مۇنداي ارەكەتىن قاراپايىم سەبەپتەرمەن تۇسىندىرۋگە بولادى. ويتكەنى، قىسقى قالىڭ كيىم دەنە ءبىتىمىنىڭ كەز كەلگەن كەمشىلىكتەرىن جاسىرىپ تۇرادى- مىس. سونداي- اق قىز- كەلىنشەكتەر ەپيلياتسيا جاساۋدى سيرەتىپ، باقايلارىنىڭ تىرناعىن بويامايتىندارىن دا ايتىپ قويدى. سەبەبى قىستا دەنەڭدى سىرت كوزدەن قالىڭ كيىم قورعاپ تۇرادى. ماماندار ارنايى زەرتتەۋ جۇرگىزىپ، قىزداردىڭ جىلىنا ءبىر رەت، ياعني قىستا، بۇلاي ەركىنسۋىنىڭ سەبەبىن تاپتى. ونىڭ قۇپياسى مىنادا. قىستا قىسقا ۋاقىتقا سوزىلاتىن جارىق مەزگىل ايەلدەردى تەز شارشاتىپ، ءوز- وزىنە ءتيىستى دەڭگەيدە كوڭىل بولۋگە مۇمكىندىك بەرمەيدى ەكەن.