20:29, 21 - قاراشا 2014 | GMT +6
ن. نازاربايەۆ پەن ۆ. پۋتين تەلەفون ارقىلى قىرعىزستاننىڭ ە ا ە و-عا قوسىلۋ ماسەلەسىن تالقىلادى
استانا. قازاقپارات - مەملەكەت باسشىسى نۇرسۇلتان نازاربايەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.
قازاقستان مەن رەسەي پرەزيدەنتتەرى اڭگىمە بارىسىندا الداعى جەلتوقساننىڭ 23-ىندە ماسكەۋدە وتەتىن ۇ ق ش ۇ ۇجىمدىق قاۋىپسىزدىك كەڭەسىنىڭ سەسسياسى مەن جوعارى ەۋرازيالىق ەكونوميكالىق كەڭەس وتىرىسىنىڭ كۇن ءتارتىبىن، سونىڭ ىشىندە قىرعىزستاننىڭ ەۋرازيالىق ەكونوميكالىق وداققا قوسىلۋ ماسەلەسىن تالقىلادى.
ەكى ەل كوشباسشىلارىنىڭ اڭگىمەسىنە ەكىجاقتى ىنتىماقتاستىقتى ر ف مەن ە و اراسىنداعى ءوزارا سانكتسيالاردى ەسكەرە وتىرىپ دامىتۋ جايى دا ارقاۋ بولدى.
سونىمەن قاتار، مەملەكەت باسشىلارى قىس مەزگىلىنىڭ كەلۋىنە بايلانىستى ۋكرايناداعى داعدارىستىق احۋالعا قاتىستى پىكىر الماستى.
