14:14, 21 - قاراشا 2014 | GMT +6
اكىم اقپارات قۇرالدارىنداعى ۇيىقتاپ وتىرعان سياقتى بولىپ كورىنىپ قالعان سۋرەتىنە تۇسىنىك بەردى
استانا. قازاقپارات - پاۆلودار وبلىسىنىڭ اكىمى قانات بوزىمبايەۆ پرەزيدەنت جولداۋى كەزىندە ۇيىقتاپ وتىرعان سياقتى بولىپ كورىنىپ قالعان سۋرەتى جايىندا پىكىر ءبىلدىردى، - دەپ حابارلايدى Tengrinews.kz ءتىلشىسى.
ورتالىق كوممۋنيكاتسيا قىزمەتىندە ءوتىپ جاتقان بريفينگتە ءتىلشى اكىمگە "پرەزيدەنت جولداۋى كەزىندە فوتوگرافتار، وكىنىشكە قاراي، ءسىزدىڭ ءتاتتى ۇيقىدا وتىرعانىڭىزدى ءتۇسىرىپ الىپتى" دەگەن سۇراق قويدى.
"مەملەكەت باسشىسىنىڭ جولداۋىندا ۇيىقتايتىنداي اقىماق ەمەسپىن عوي. ەگەر مەن ول جەردە ۇيىقتاعان بولسام ەندىگى سىزدەردىڭ الدارىڭىزدا تۇرمايتىن ەدىم. سوندىقتان ول جەردە مەنىڭ جانىمدا كىمنىڭ ۇيىقتاپ وتىرعانىن جانە كىمنىڭ ۇيىقتاماي وتىرعانىن ايتىپ بەرە الاتىن جۇزدەگەن ادام بولدى"، - دەدى پاۆلودار وبلىسىنىڭ اكىمى.
"مەن جولداۋعا ءبىرىنشى رەت قاتىسىپ وتىرعان جوقپىن عوي"، - دەدى ول.
