قىتايلىق سپورت ارنالارى قازاقستاندىق باپكەردى عالامتور جۇلدىزىنا اينالدىردى - كەسكىن
باس باپكەردىڭ بوركىن اسپانعا اتىپ قۋانعان ساتتەرىن، قىتايلىق سپورت ارنالارىنىڭ ءبىرى ادەمى قيۋلاستىرىپ بەينەروليك جاساعان.
جازبا حالىقتىڭ ەرەكشە ىقىلاسىنا يە بولىپ، ءبىر كۇننىڭ ىشىندە 10 مىڭ ادام كورىپ ۇلگەرگەن.
بۇل شىر كوبەلەك اينالىپ، قۋانىشتان توبەسى كوككە ەكى ەلى جەتپەي جۇرگەن - الەكسەي ني. اۋىر اتلەتتەرىمىزدى باپتاپ، الەمدىك رەكوردتتار جاڭارتۋدان جان سالمايتىن باپكەرىمىز قىتايلىق تەلەارنانىڭ قىراعى كوزىنە تۇسكەن. الماتى تورىندە اتوي سالىپ رەكورد جاڭارتقان ءزۇلفيا چينشانلونىڭ جەڭىسىنە قۋانعان كارىس جىگىتىنىڭ دەنە قيمىلدارىن كلۋب اۋەنىنە ادەمى قيىستىرا بىلگەن.
زىلتەمىرشىلەرىمىزدى ۇنەمى نازارىندا ۇستايتىن اسپان استى ەلىنىڭ بۇل بەينەروليگى نەگىزىنەن زۋلفيا چينشانلوعا ارنالعان. بۇل الەكسەي ءنيدىڭ - جەكە پىكىرى. سپورتشىلارىمىزدىڭ جەڭىسىنە اتوي سالىپ قۋاناتىن باپكەردىڭ ايتۋىنشا، ايداھار ەلى التىن قىزدى ۋىسىنان شىعارىپ العاندارىنا ءالى كۇنگە دەيىن وكىنەتىن كورىنەدى.
«مەن مۇنداي بەينەروليكتەرگە ەتىم ۇيرەنىپ قالعان. قاراپايىم باپكەرمىن. اكتەر ەمەسپىن. سول سەبەپتى قۋانعان كەزىمدە جاساندىلىق تانىتتىم دەپ ايتا المايمىن. ال ءدال زۋلفيانىڭ جەڭىسىنە بەينەروليك جاساۋىنىڭ ءبىر-اق سەبەبى بار. ولار ءالى دە ءبىزدىڭ قىزدى وزدەرىنىڭ سپورتشىسى رەتىندە كورەدى»، - دەدى ق ر اۋىر اتلەتيكادان باس باپكەرى الەكسەي ني.
عالامتور قارىشتاپ دامىعان مىنا زاماندا سپورتشىلارىمىز بەن انشىلەرىمىزدىڭ كۇندەلىكتى ءومىرى كورەرمەن نازارىنان تىس قالمايدى. اسىرەسە، ءارقاشان كوڭىلدى جۇرەتىن، الاش جۇرتىنىڭ ماقتانىشى يليا ءيليننىڭ مىنا جازباسى لايكتىڭ استىندا قالعان. الەمنىڭ - اتلەتتەرىمىزگە مۇنداي ىقىلاس ءبىلدىرۋى قازاق سپورتىنىڭ ۇزدىكتەرمەن ۇزەڭگىلەسە، تەرەزەسى تەڭ كەلە جاتقاندىعىنىڭ ايعاعى بولسا كەرەك.
«الماتى» تەلەارناسى
