سەناتور مينيستردەن «حالىقتى جارىلقاۋ ءۇشىن ۇلان- عايىر جەردى اياپ قالماۋعا» شاقىردى

استانا. قازاقپارات - شارۋالارعا شالعاي جەرلەردەن جالعا بەرىلەتىن جەر كولەمى شەكتەن اسىپ كەتسە، سالىق مولشەرى دە ۇلعايادى.

پارلامەنت سەناتىنىڭ جالپى وتىرىسىنا ءتيىستى زاڭناماعا ەنگىزىلەتىن وسىنداي وزگەرىستەر ۇسىنا كەلگەن ۇلتتىق ەكونوميكا ءمينيسترى ەربولات دوسايەۆ ءبىرقاتار دەپۋتاتتاردىڭ اشۋىن وياتىپ الدى.

سەناتور قۋانىش ايتاحانوۆ "حالىقتى تابيعي وتاندىق ونىممەن جارىلقاۋ ءۇشىن ۇلان-عايىر جەردى اياپ قالماي، كەرىسىنشە مولىنان بەرۋ قاجەت" دەيدى.

"مەن تۇسىنبەيمىن مەملەكەت تاراپىنان كاسىپكەرلەرگە قولداۋ كورسەتىلىپ، سۋبسيديالار، سالىقتان جەڭىلدىك بەرىلىپ جاتقاندا، ەڭ قيىن الىستاعى شارۋالارعا جەر كولەمىن شەكتەۋدى ەش تۇسىنۋگە بولمايدى. شالعايداعى مال جايىلىمدارىن يگەرۋ وڭاي ەمەس"، - دەيدى ماجىلىسمەن.

ال اسىلجان مامىتبەكوۆ بولسا، "شارۋالارعا 1500 گەكتاردىڭ ءوزى جەتىپ جاتىر، ال قۇن سالىعى وسكەننىڭ وزىندە شارۋالاردىڭ مۇرتىن بالتا شاپپايدى"، دەپ سەنىمدى جاۋاپ قاتتى.

"فەرمەرلىك قوجالىقتار بۇل وتباسىلىق نەگىزدە قۇرىلعان. سوندىقتان والردىڭ جەر تەلىمدەرى، اسىرەسە وڭتۇستىكتە وتە كىشكەنتاي. مىسال و ق و- دا 105 مىڭ فەرمەرلىك قوجالىقتار ىشىندە تەك 28 ى عانا 1500 گەكتاردان اسا الادى. ونىڭ ءوزى ۇلكەن سانالادى. سوندىقتان بۇل حالىققا ەشقانداي كەرى اسەرىن تيگىزبەيدى"، - دەيدى مينيستر.

nur.kz