اباي عاشىق بولعان توعجانعا ەسكەرتكىش ورناتىلدى
«توعجان اباي ومىرىندە ەرەكشە ورىن الاتىنى بەلگىلى. مۇحتار اۋەزوۆتىڭ «اباي جولى» رومان-ەپوپەياسىندا اقىننىڭ جاس كەزىندەگى بوزبالالىق سەزىمى ەرەكشە سۋرەتتەلگەن.
توعجان تۋرالى تايتولەۋ اسقارتەگى بىلاي دەيدى: «اباي اتامىز جاس كەزىندە ءدىلداعا ۇيلەنەر الدىندا اكەسى قۇنانبايعا: «مەن ءدىلداعا ۇيلەنبەيمىن، كوزدەپ جۇرگەن قىزىم بار» دەپ قارسىلىق كورسەتەدى.
سوندا قۇنانباي: «ءبىر شۇيكەباس ءۇشىن تورەلەرمەن قاقتىعىسا المايمىن. توعجان جاڭگىر تورەنىڭ تۋ ۇستار باتىرىمەن اتاستىرىپ قويعان» دەپ ابايدى زورعا كوندىرگەن. سول توعجان اۋەلدە باتىر، كەيىن ءبي بولعان بوتانتايعا ەكىنشى ايەلدىككە بارعان ەكەن. توعىز بالا كوتەرىپ، سونىڭ ۇشەۋى بەيسەكەي، مۇقاش، اقسۇلۋ، بۇلاردى مەن ءوز كوزىممەن كورىپ قولدارىنان ءدام تاتتىم».
اۋىل ادامدارىنىڭ ايتۋىنشا، توعجان قارتايىپ، كەمپىر بولعان كەزىندە دە وتە ەركە مىنەزدى بولعان دەسەدى. جاقىندا اباي اۋدانى توقتامىس باتىر اۋىلىندا توعجاننىڭ زيراتىنا ەسكەرتكىش بەلگى قويىلدى. بۇرىن زيراتى قاراۋسىز قالىپتى. اۋىل اكىمى اقىلتاي سادىرباي باستاعان قالىڭ جۇرتشىلىق اۋدان باسشىسى تۇرسىنعازى مۇساپىربەكوۆپەن اقىلداسا كەلىپ، توعجان انامىزدىڭ باسىن كوتەردى. ساۋاپتى ءىستى سوڭىنا جەتكىزە بىلگەن اۋىلدىڭ كاسىپكەرى، اۋداندىق ءماسليحات دەپۋتاتى داۋلەت مۇحتاروۆ ەكەن.
توعجان زيراتى باسىندا قۇران قاتىم ءتۇسىرىلىپ، ەل اعالارى تاريحتان وي قوزعاپ، قازىرگى جاستارعا ىزگى نيەتتەرىن ارنادى.
