اق ۇيگە قارۋ مەن وقتاردى تاسىمالداعان ەر ادام كىرمەكشى بولدى

استانا. قازاقپارات - ۆاشينگتونداعى اق ءۇيدىڭ قاسىندا بىرنەشە شتات ارقىلى تاسىمالداپ، تىركەلمەگەن قارۋدى ساقتاعانى ءۇشىن ايىپتالىپ وتىرعان ايوۆالىق ەر ادام ۇستالدى. بۇل تۋرالى ر ب ك حابارلايدى.

داۆەنپورت تۇرعىنى، 41 جاستاعى ار دجەي كافيم ا ق ش پرەزيدەنتىنىڭ باس رەزيدەنتسياسىنىڭ شىعىس جاعىندا تۇرعان قۇپيا قىزمەت وفيتسەرىنە بارىپ، ايوۆاداعى بىرەۋ وعان اق ۇيگە كىرۋگە نۇسقاۋ بەرگەنىن ايتقان.

ءتارتىپ ساقشىلارى بىرنەشە كۆارتال الىس تۇراققا قويعان ونىڭ Volkswagen Passat كولىگىن تەكسەرگەن كەزدە، ونىڭ جۇك سالعىش بولىگىنەن 40 تان استام وق-ءدارىسى بار مىلتىق پەن التى ديۋيمدىك پىشاقتى تاپتى.

كافيم تىركەلمەگەن قارۋدى ساقتاعانى ءۇشىن ايىپتالىپ، قاماۋعا الىندى. سونداي-اق وعان قارسى قوسىمشا ايىپتاۋلار دا تاعىلۋى مۇمكىن.