الەمنىڭ ەڭ جاسىل، تاڭعاجايىپ ءزاۋلىم ءۇيى ماراپاتتالدى

استانا. قازاقپارات - ماينداعى فرانكفۋرتتە ءزاۋلىم عيماراتتاردى سالۋ يننوۆاتسيالارى ءۇشىن حالىقارالىق سىيلىق ميلانداعى كوگالداندىرىلعان Bosco Verticale تۇرعىن ءۇي كەشەنىنە بەرىلدى.

dpa اقپاراتتىق اگەنتتىگى حابارلاعانداي، حالىقارالىق سىيلىقتىڭ قازىلار القاسى بۇل تاڭداۋدىڭ ءزاۋلىم عيماراتتاردى كوگالداندارۋدىڭ جاڭا پەرسپەكتيۆالارىن اشىپ، بولاشاقتا ەۋروپا قالالارىن سالۋعا ۇلگى بولا الاتىنىن العا تارتتى.

 Bosco Verticale يتاليان تىلىنەن اۋدارعاندا «ۆەرتيكالدى ورمان» دەگەندى بىلدىرەدى. كەشەن بيىكتىگى 80 جانە 112 مەتر بولاتىن ەكى عيماراتتان تۇرادى.

جالپى العاندا، وندا 5000 بۇتا مەن ەدەنگە قويىلعان11000 ءتۇپ وسىمدىك بار. بۇل «ورمانداعى مۇنارالاردىڭ» ءبىرى - 19 قاباتتىق، ەكىنشىسى - 27 قاباتتان تۇرادى. بۇل كەشەندە بارلىعى 113 تۇرعىن پاتەرلەر بار.

ءزاۋلىم ۇيلەردى سالۋ يننوۆاتسيالارى ءۇشىن ماراپاتىنا ساۋلەتشى ستەفانو بوەري مەن تاپسىرىس بەرۋشى مانفرەدي كاتەللا يە بولدى. سىياقى قورىنىڭ كولەمى - 50 مىڭ ەۋرو.