جاڭا اكىم ەلوردانى «اقىلدى» قالالار رەيتينگىندە الدىڭعى ورىنعا شىعارماق
«مەملەكەت باسشىسى نۇرسۇلتان ءابىش ۇلى نازاربايەۆ استانا قالاسىن بارلىق الەمدىك ستاندارتقا جاۋاپ بەرەتىن اقىلدى قالا رەتىندە سالىپ، جەتىلدىرۋدى تاپسىردى. ماعان بيلل حاتچيسون مىرزا (i-Canada قاۋىمداستىعىنىڭ باسشىسى) تورونتو قالاسىنىڭ رەيتينگتە ءبىرىنشى ەكەندىگىن ايتتى، ال استانا 21- ورىندا. بىزدەردىڭ اۋا رايىمىزدىڭ ءوزى ۇقساس ەكەندىگىن ەسكەرە وتىرىپ، ءبىزدىڭ مىندەتىمىز - 1-2 ورىنداردى تورونتومەن ءبولىسۋ. ءبىز ونى جۇزەگە اسىراتىندىعىمىزعا ءۇمىتتىمىن»، - دەدى قالا باسشىسى.
ءا. جاقسىبەكوۆ ءوز سوزىندە ەلوردانىڭ الەمنىڭ ينتەللەكتۋالدى، يننوۆاتسيالىق قالالارىنىڭ بىرىنە اينالاتىندىعىنا سەنىم ءبىلدىردى. سونىمەن قاتار الەمدىك بارلىق ستاندارتتارعا ساي كەلۋ ءۇشىن قالادا بارلىق شارالار قولعا الىنىپ، قاجەتتى رەسۋستار پايدالانىلاتىندىعىن اتاپ ءوتتى.
«بارلىق پروتسەسسور يننوۆاتسيالىق بولادى، ال ەنگىزىلەتىن تەحنولوگيالار جۇيەسى حالىقتىڭ بارلىق ساناتىنا قول جەتىمدى جاسالادى. بۇل ءۇشىن ءبىز 2 ماڭىزدى جوبانى جۇزەگە اسىرۋعا كىرىستىك. ءبىرىنشىسى زياتكەر كولىك جۇيەسى جوباسى، ول قالانىڭ 6 كوشەسىنە ەنگىزىلگەن»، - دەدى ول.
ەلوردا اكىمىنىڭ ايتۋىنشا، ەكىنشى جوبا قاۋىپسىز قالا دەپ اتالادى. وسى جوبانىڭ ارقاسىندا ەلوردا كوشەلەرى مىڭنان استام بەينە كامەرالارمەن، ونداعان «اقىلدى» باعدارشامدارمەن جابدىقتالعان.
اۆتور: مارلان جيەمباي
