استانادا سالىناتىن قىتاي ەلشىلىگىنىڭ عيماراتى ساۋلەت جاعىنان قىتاي مادەنيەتىن كورسەتەتىن، تاماشا ونەر تۋىندىسى بولادى
«ءبىز قىتايعا وسى ەلشىلىك عيماراتتارىن سالۋ ماسەلەسىمەن بارعانىمىزدا، ولار بىزگە استاناداعى «بەيجىڭ سارايى» قوناق ءۇيىنىڭ ارحيتەكتۋراسىنا اسا رازى ەمەس ەكەندىكتەرىن ءبىلدىردى. ولار بولاشاقتا استانادا سالىناتىن قىتاي ەلشىلىگىنىڭ عيماراتى ساۋلەت جاعىنان قىتاي مادەنيەتىن كورسەتەتىن، تاماشا ونەر تۋىندىسى بولاتىنىن ايتتى»، - دەپ اتاپ ءوتتى ول.
وسىعان بايلانىستى سەناتورلار قىتايدىڭ الەۋمەتتىك جاعدايى جوعارى دارەجەدە ەكەنىن ەسكەرە كەلىپ، ەلشىلىك سالۋ كەزىندە بەلگىلى ءبىر ستاندارتقا باعىنۋى كەرەك دەپ وتىر.
«قىتايدىڭ الەۋمەتتىك-ەكونوميكالىق جاعدايى وتە جوعارى، قارجىلاي جاعدايى وتە كۇشتى. ولارعا بەلگىلى ءبىر ستاندارتتار بەلگىلەپ بەرمەسە، ەرتەڭ استانانىڭ تورىنە اقوردادان ۇلكەن عيمارات سالىپ تاستاۋى مۇمكىن. وندايعا جول بەرمەۋ كەرەك»، - دەيدى يكرام ادىربەكوۆ.
ءوز كەزەگىندە ا. مۋسينوۆ ونىڭ سوزىمەن تولىقتاي كەلىسەتىنىن جەتكىزدى.
«ارينە، ول ماسەلەنى قالانىڭ قۇرىلىس جونىندەگى باسقارماسى قاداعالايدى. ولارعا جوبا تۇسكەن كەزدە ءوز شەكتەۋلەرىن، تالاپتارى مەن ەرەجەلەرىن قىتاي تاراپىنا جەتكىزەدى جانە ولار مىندەتتى تۇردە نازارعا الىنادى»، - دەدى ۆيتسە-مينيستر.
اۆتور: ءابۋ-اسقار مەكەش ۇلى
