استانادا تيمۋر بەكمامبەتوۆتىڭ فيلمى ءتۇسىرىلىپ جاتىر
كوپشىلىكتىڭ سۇيىكتى «شىرشالى» ءداستۇرى جايلى فيلمگە كاسىپقوي اكتەرلارمەن بىرگە ىرىكتەۋدەن وتكەن قاراپايىم كورەرمەن دە قاتىسىپ، جاپپاي سەلفي جاساپ، جاڭا جىلدى مەزگىلىنەن ءبىر جارىم اي بۇرىن قارسى الا الادى.
100 جىل بۇرىنعى كورىنىستى جەتكىزەتىن «شىرشالار 1914» تۋىندىسىنىڭ باستاپقى جانە سوڭعى كادرلارى قازىرگى زاماندى كورسەتەدى، وندا سيۋجەت بويىنشا شۋلاعان توپ 2015-جىلدى قارسى العالى جاتادى، ارتىنشا وقيعا 1915-جىلدىڭ قارساڭىنا اۋىسادى.
استاناعا جاڭا جىلدىڭ ەستافەتاسى كراسنوياردان جەتتى، بۇعان دەيىن اۋقىمدى اكسياعا رەسەيدىڭ وزگە قالالارى - سانكت-پەتەربور، پەرم، يركۋتسك، ومبى، قازان، ساراتوۆ جانە ۆورونەج دە قاتىسقان ەدى. ءار قالانىڭ جەرگىلىكتى تۇرعىندارى «شىرشالار 1914» فيلمىنىڭ سوڭعى كورىنىسىندەگى وزدەرىنىڭ نۇسقاسىن تاماشالاي الادى، ناقتىراق ايتقاندا ولار وزدەرىن 25- جەلتوقساندا قالالارىنداعى كينوتەاترلاردان روجدەستۆونى ەسكى ستيلدە كورە الادى.
«شىرشالار 1914» روجدەستۆولىق كومەدياسىنىڭ تۇسىرىلىمدەرى اعىمداعى جىلدىڭ اقپان ايىندا باستالعان بولاتىن. فيلم رەسەيدىڭ ءىرى جانە شاعىن قالالارىندا، اقسۇيەكتەر ءۇي- جايىندا جانە شارۋالار ۇيىندە، قايعىسىز بالداردا جانە ءبىرىنشى دۇنيەجۇزىلىك سوعىستىڭ قاھارلى مايدانىندا ءوربيدى، دەپ حابارلايدى «استانا وپەرا» تەاترىنىڭ باسپا ءسوز قىزمەتى.
