ەلباسى: «نۇرلى جولدى» جۇزەگە اسىرۋعا مەملەكەتتەن وراسان زور قاراجات بولىنەدى

 استانا. قازاقپارات - ق ر پرەزيدەنتى نۇرسۇلتان نازاربايەۆ باس پروكۋرور اسحات داۋىلبايەۆ پەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى قايرات قوجامجاروۆتى قابىلدادى، دەپ حابارلادى اقوردانىڭ باسپا ءسوز قىزمەتىنەن.

مەملەكەت باسشىسى «نۇر وتان» پارتياسى ساياسي كەڭەسىنىڭ كەڭەيتىلگەن وتىرىسىندا قابىلدانعان، سىبايلاس جەمقورلىققا قارسى ءىس- قيمىلدىڭ 2015-2025 - جىلدارعا ارنالعان پارتيالىق باعدارلاماسى اياسىنداعى جۇمىستى كۇشەيتۋدىڭ ماڭىزدىلىعىنا توقتالدى.

- وتكەن جىلدار ىشىندە ەلىمىزدە پاراقورلىقتىڭ تامىرىن جويۋ تۇرعىسىنان العاندا ءبىراز جۇمىس اتقارىلدى. اتاپ ايتقاندا، زاڭعا وزگەرىستەر ەنگىزۋ، شەنەۋنىكتەر مەن كاسىپكەرلەر اراسىنداعى بايلانىستى ازايتۋ ارقىلى سىبايلاس جەمقورلىقپەن كۇرەس جۇمىستارى قاتايدى. لاۋازىمى مەن ەڭبەگىنە قاراماستان بارلىعىن دا جاۋاپقا تارتاتىن زاڭ قولدانىسقا ەندى. جالپى، بۇل باعىتتا بەلسەندى جۇمىس جۇرگىزىلۋدە، ونىڭ ناتيجەسى كورىنىپ تۇرعاندىقتان، قوعام تاراپىنان وڭ باعا بەرىلىپ وتىر، - دەدى قازاقستان پرەزيدەنتى.

نۇرسۇلتان نازاربايەۆ مەملەكەتتىك قىزمەتشىلەر جۇمىسىن ءمىنسىز ءارى ادال اتقارۋى ءۇشىن مەملەكەت تاراپىنان قاجەتتى جاعدايلار جاسالىپ جاتقانىن اتاپ ءوتتى.

- بۇگىندە ولار ماتەريالدىق جانە الەۋمەتتىك كەپىلدىكتەرمەن قامتىلعان، سوندىقتان ءبىز ولاردان ادال قىزمەتتىڭ ۇلگىسىن كورسەتىپ، زاڭنامانى ساقتاۋدى تالاپ ەتۋگە قۇقىلىمىز. بۇل، اسىرەسە، ەلىمىزدە مەملەكەتتەن وراسان زور قاراجات ءبولىنىپ، «نۇرلى جول» جاڭا ەكونوميكالىق ساياساتىن جۇزەگە اسىرۋ جونىندە اۋقىمدى جۇمىس ءجۇرىپ جاتقان قازىرگىدەي كەزەڭدە ايرىقشا وزەكتى. سوندىقتان باس پروكۋراتۋرا مەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنە «نۇر وتان» پارتياسىمەن بىرلەسىپ جۇمىس ىستەگەن ءجون، - دەدى مەملەكەت باسشىسى.

قازاقستان پرەزيدەنتى ءبىزدىڭ رەسپۋبليكا ت م د- دا ءبىرىنشى بولىپ «سىبايلاس جەمقورلىقپەن كۇرەس تۋرالى» زاڭدى قابىلداعانىن اتاپ ءوتتى.

 - وسى زاڭدى قابىلداۋ كەزىندە مەن ەشكىمگە جەڭىلدىك بولمايتىنىن جانە ەشكىم دە جازادان قۇتىلمايتىنىن ايتىپ، بۇكىل حالىققا مالىمدەمە جاسادىم. مەملەكەت ءتيىمدى باسقارۋشىلاردى تاربيەلەپ شىعارۋ ءۇشىن كوپ ۋاقىت پەن قاراجات شىعىندايدى. ال ولار سىبايلاس جەمقورلىق كورىنىستەرىنە جول بەرسە، جۇمسالعان سول بارلىق كۇش- جىگەر مەن شىعىن بوسقا كەتكەن بولىپ شىعادى. حالىق وسىنى ءتۇسىنىپ، سىبايلاس جەمقورلىققا قارسى بىرلەسكەن ىمىراسىز كۇرەسكە مۇددەلى بولعانى ءجون. قازاقستاندىقتار اراسىندا بۇل ماسەلەگە نەمقۇرايلى قارايتىندار بولماۋى ءتيىس. ەڭ باستىسى، جۇرتشىلىق جەمقورلىق كورىنىستەرىنە توزبەي، ول جونىندە حابارلاپ، سول بويىنشا ىلكىمدى شارالار قابىلدانۋى كەرەك، - دەدى نۇرسۇلتان نازاربايەۆ.

مەملەكەت باسشىسى كەزدەسۋ قورىتىندىسى بويىنشا ءبىرقاتار ناقتى تاپسىرمالار بەردى.