استانادا «جاسىل ورام» قۇرىلىسى باستالدى

استانا. قازاقپارات - استانادا «جاسىل» تەحنولوگيالار قولدانىلعان كۆارتال قۇرىلىسى باستالدى.

 بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە «سامۇرىق- قازىنا» جىلجىمايتىن مۇلىك قورى» ا ق باسقارما ءتوراعاسى بولات پالىمبەتوۆ مالىمدەدى.

باسقارما ءتوراعاسىنىڭ سوزىنە قاراعاندا، قوردىڭ ۇزاقمەرزىمدى دامۋ ستراتەگياسىنا سايكەس، «جاسىل» تەحنولوگيالاردى قولدانا وتىرىپ، كوممەرتسيالىق جىلجىمايتىن مۇلىكتىڭ ديەۆەلوپمەنتىن جوسپارلايدى. بۇل باعىتتاعى تۇڭعىش ىلكى جوبا استانا قالاسىنداعى «جاسىل ورام» قۇرىلىسى بولىپ وتىر.

 «جاسىل ورام» - بۇل وزىق تەحنولوگيالار قولدانىلا وتىرىپ سالىنعان تۇرعىن ءۇي مەن اكىمشىلىك عيماراتتار كەشەنى. ونىڭ ساۋلەتتىك تۇجىرىمداماسىن الەمدەگى جەتەكشى كومپانيانىڭ ءبىرى بولىپ تابىلاتىن بريتانيالىق «AIDAS» كومپانياسى جۇزەگە اسىرعان. ونداعى ەكولوگيالىق تۇرعىن ۇيلەر ەلەكتر قۋاتى مەن سۋدى 20 پايىزعا دەيىن ۇنەمدەيدى جانە «جاسىل ورامنىڭ» بارلىق عيماراتتارى حالىقارالىق ستاندارتپەن سەرتيفيكاتتالىپ، ءاربىر نىساننىڭ وزىندىك ەكولوگيالىق پاسپورتى بولادى»، - دەدى ب. پالىمبەتوۆ.

 ونىڭ ايتۋىنشا، وسى جوبا ارقىلى «سامۇرىق- قازىنا» جىلجىمايتىن مۇلىك قورى» ەكولوگيالىق قۇرىلىستىڭ جاڭا ستاندارتتارىنا كوشۋگە سەرپىن بەرمەك. ال مەملەكەتتىك- جەكەمەنشىك سەرىكتەستىك نەگىزىندەگى جوبانىڭ قۇنى 44 ميلليارد تەڭگەنى قۇرايدى، ال تۇرعىن ءۇي مەن اكىمشىلىك كەشەننىڭ جالپى اۋماعى 180 مىڭ شارشى مەتردەن اسادى.

«بىلتىر جەردىڭ دايىندىق جۇمىستارى جۇرگىزىلدى، بيىل قۇرىلىس باستالدى. ونى اياقتاۋ «ەكسپو-2017» كورمەسىنە دەيىن، ياعني 2017 - جىلعا قااري جوسپارلانىپ وتىر»، - دەدى ب. پالىمبەتوۆ.

 ونىڭ سوزىنە قاراعاندا، «جاسىل» تەحنولوگيا نەگىزىندە جۇزەگە اسىپ جاتقان تۇرعىن ءۇي الەۋمەتتىك ساناتقا جاتپايدى، سوندىقتان دا ونىڭ باعاسى ارزان بولمايدى.

اۆتور: قانات مامەتقازى ۇلى