يليا يلين جانە تاعى جەتى جەڭىلمەيتىن سپورتشىلار مەن كوماندالار- فوتو
يليا يلين
سەنبى كۇنى 26 جاستاعى اتلەت ءتورتىنشى جەڭىستى الەم چەمپيوناتىن اياقتادى جانە 105 كەلىگە دەيىنگى تۇڭعىش جەڭىمپاز بولدى. يليا قازاقستاننىڭ بىردەن- ءبىر ەكى دۇركىن وليمپيادا چەمپيونى.
بەحداد ساليمي
2010 - جىلدان بەرى يراندىق ءوزى قاتىسقان بارلىق ءىرى تۋرنيرلەردە جەڭىسكە جەتتى. ول ەگەر يران اۋىر اتلەتيكا فەدەراتسياسىمەن كيكىلجىڭى بولماسا، ءۇش مارتە الەم چەمپيونى بولار ەدى.
دجون دجونس
UFC تاريحىنداعى ەڭ جاس چەمپيون 21 جەكپە- جەگىنىڭ 20 سىندا جەڭىپ شىقتى. وعان رينگتە قارسىلاستارى ەمەس، مەتتا حەميللگە قارسى شىنتاقپەن تىيىم الىنعان ءادىس قولدانعانى ءۇشىن تورەشىلەر بىردەن- ءبىر جەڭىلىستى ۇيعاردى.
كىشى فلويد مەيۆەزەر
فلويد بەس سالماق ساناتىندا سايىسقا ءتۇسىپ، ونىڭ بارلىعىندا دا الەم چەمپيونى بولدى. ول 47 جەكپە- جەك وتكىزدى، ونى بىردە- ءبىر بوكسشى جەڭە المادى.
روككي مارچيانو
مارچيانونىڭ رەكوردىن قايتالاۋ ءۇشىن فلويد ەندى ەكى رەت جەڭىسكە جەتۋى ءتيىس. 1947 - جىلدىڭ ناۋرىزىنان 1956 -جىلدىڭ 21 - قىركۇيەگىنە دەيىن روككي 49 سايىس وتكىزىپ، ونىڭ التاۋىندا عانا قارسىلاسىن نوكاۋتقا جىبەرە المادى. بىردە ول جەڭىلىستىڭ ءسال الدىندا عانا تۇردى، ءبىراقتا 1950 - جىلى ناۋرىزدا رونالدو لاستارتسىمەن جەكپە- جەكتە تورەشىلەر جەڭىستى وعان الىپ بەردى. وسىنىڭ ارقاسىندا ول تاريحتا بىردەن- ءبىر جەڭىلمەگەن اۋىر سالماقتاعى بوكسشى اتاندى.
مايكل دجونسون
الەمنىڭ سەگىز دۇركىن چەمپيونى جانە ءتورت دۇركىن وليمپيادا جەڭىمپازى. سيدنەيدەگى 2000 - جىلعى ويىنداردان كەيىن سپورتتان كەتتى. دجونسون ءوز مانسابىن بەس التىن ماراپاتپەن اياقتادى، ءبىراق تا ەستافەتاداعى سوڭعى مەدالىن قايتارۋعا ءماجبۇر بولدى، سەگىز جىل وتكەن سوڭ ونىڭ قۇراماداعى ارىپتەسى انتونيو پەتتيگريۋ دوپينگىمەن ۇستالىپ قالعانى بەلگىلى بولدى. دجونسوننىڭ 400 مەترلىك قاشىقتىقتاعى رەكوردىنا ەشكىم جەتە المادى، ال ونىڭ 200 مەترلىك قاشىقتىقتاعى كورسەتكىشىن ۋسەين بولت جاڭارتتى.
ۋسەين بولت
2007 -جىلعى وساكاداعى كۇمىستەن كەيىن يامايكادان شىققان سپرينت كورولى ەكى وليمپيادا جانە ءۇش الەم چەمپيناتى بويى جەڭىلىپ كورگەن ەمەس.
باسكەتبولدان ا ق ش قۇراماسى
2006 - جىلعى الەم چەمپيوناتىنىڭ جارتىلاي فينالىنداعى جەڭىلىسپەن ءساتسىز اياقتالدى. سودان بەرى امەريكاندىق كوماندا قاتارىنان 63 ماتچتا جەڭىسكە جەتتى، ونىڭ ىشىندە 45 ويىن رەسمي دەڭگەيدە ءوتتى. ءتىپتى الەمدىك بىرىنشىلىكتەرگە جارتىلاي رەزەرۆتەگى قۇرامدارىن جىبەرسە دە، ا ق ش قۇراماسى بارلىق قارسىلاستارىن تاس- تالقان ەتتى. ال وليمپيادالىق تۋرنيرلەر جونىندە ايتۋدىڭ ءوزى ارتىق بولار!
