قازاقستان تۇركيادان ۇتىلىپ قالدى
ماتچ كۇتكەندەي- اق الاڭ يەلەرىنىڭ بەلسەندى قيمىلىمەن باستالدى. فاتيح كەريمنىڭ جىگىتتەرى دوپتى سەنىمدى باقىلاپ، قازاقستاندىق ويىنشىلارعا انادا- ساندا عانا ءوزىنىڭ ايىپ الاڭىنا جاقىنداۋىنا مۇمكىندىك بەردى.
ويىننىڭ 22- مينۋتىندا بۋراك يىلماز ماتچ ەسەبىن اشۋى مۇمكىن ەدى، ءبىراق تا قازاقستان قۇراماسىنىڭ قاقپاشىسى الەكساندر موكينمەن بەتپە- بەت كەلگەن ساتتە ونىڭ سوققان دوبى قاقپا جانىنان قيىس ءوتىپ كەتتى.
تۇرىك فۋتبولشىلارى قازاقستاندىق كوماندانىڭ ايىپ الاڭىنا شابۋىلدى بەلسەنە كۇشەيتە ءتۇستى. ناتيجەسىندە پەنالتيدە سول بۋراك يىلماز دوپ سوقتى. ءۇش مينۋتتان كەيىن ول ەسەپتى ەكى دوپقا دەيىن جەتكىزدى.
ماتچتىڭ ەكىنشى جارتىسىندا قازاقستان قۇراماسى فۋتبولشىلارى بەلسەندى قيمىلداي باستادى. دەگەنمەن 83- مينۋتتا تۇرىكتەر ءۇشىنشى دوپتى قاقپاعا سالدى. ويىننىڭ 87- مينۋتىندا عانا قازاقستاندىقتار ءبىر دوپپەن ويىندى اياقتادى.
كەلەسى ماتچتى ءبىزدىڭ فۋتبولشىلار 28 - ناۋرىزدا ءوز ارەناسىندا A توبىنىڭ كوشباسشىسى يسپانيا قۇراماسىمەن وتكىزەدى.
