رەجەپ تايىپ ەردوعان: مۇسىلماندار امەريكادا كولۋمبتان بۇرىن بولعان

استانا. قازاقپارات - تۇركيا پرەزيدەنتى رەجەپ تايىپ ەردوعان مۇسىلماندار جاڭا جەرگە حريستوفور كولۋمبتان 300 جىل بۇرىن كەلدى، دەدى گەنۋيالىق تەڭىز ساياحاتشىسىنىڭ كۇندەلىگىندەگى مەشىت تۋرالى جازبالارعا سىلتەمە جاساپ، دەپ حابارلادى BBC.

لاتىن امەريكاسىنداعى مۇسىلمان ءدىنى باسشىلارىنىڭ سامميتىندە سويلەگەن سوزىندە تۇرىك كوشباسشىسى يسلامنىڭ كۋبادا پايدا بولۋى 1178 - جىلدىڭ توڭىرەگى ەكەنىن ەسكە سالدى.

تاريحشىلار كولۋمب كۇندەلىگىندەگى «تاۋداعى مەشىت» دەگەن سوزدەردى سالىستىرۋ تۇرىندە ءتۇسىنۋ كەرەك ەكەنىن ايتادى، بۇل جەردە يسپاندىق ەكسپەديتسيا باسشىسى تابيعي نىساننىڭ قىزىقتى گەوگرافيالىق قاسيەتتەرىنە نازار اۋدارعان، دەيدى ولار.

جالپىعا بىردەي مويىندالعان قازىرگى تاريح عىلىمىنا سايكەس امەريكادا العاشقى بولعان ەجەلگى سكانديناۆتار كورىنەدى، ولار كولۋمب ساياحاتىنان 500  جىل بۇرىن قازىرگى كانادانىڭ جاعالاۋىن زەرتتەگەن.

امەريكا قۇرلىعىنىڭ بايىرعى تۇرعىندارى بۇدان 15 مىڭ جىل بۇرىن بەرينگ بۇعازىنىڭ مۇزى ۇستىمەن وتكەن دەگەن پايىمداۋلار بار.